චීනය විසින් සැබෑ මාළුවෙකු මෙන් පෙනෙන සහ ජලය තුළ ස්වයංක්රීයව ගමන් කළ හැකි දිය යට රොබෝවක් ප්රදර්ශනය කර තිබේ.
ජෛව අනුකරණ රොබෝ තාක්ෂණය යොදාගනිමින් නිපදවා ඇති මෙම රොබෝවට දිය යට නිරීක්ෂණ සහ සෝදිසි කටයුතු ඇතුළු විවිධ භාවිතයන් සඳහා හැකියාවක් පවතින බව වාර්තා වේ.
චීන මාධ්ය ආයතනයක් වන Jimu News වාර්තා කරන්නේ Boyagongdao Marine Technology Group විසින් නිපදවන ලද BG-5 Golden Dragon Fish නමැති මෙම රොබෝව බීජිංහි Shougang Park හි පැවැත්වෙන 2026 China International Fair for Trade in Services (CIFTIS) ප්රදර්ශනයේදී ඉදිරිපත් කළ බවයි.
රන් අරෝවානා මාළුවා ආදර්ශයට ගනිමින් නිර්මාණය කර ඇති BG-5 රොබෝව, සැබෑ මාළුවෙකුගේ පිහිනුම් චලනය අනුකරණය කරන බහු සන්ධි සහිත වලිගයකින් සමන්විතය.
ප්රදර්ශන කාර්ය මණ්ඩල සාමාජිකයෙකු උපුටා දක්වමින් Jimu News වාර්තා කර ඇත්තේ රොබෝව පෙර සැලසුම් කළ ස්ථාවර ගමන් මාර්ගයකට අනුව පමණක් ගමන් නොකරන බවයි.
එහි සංවේදක මගින් අවට ඇති බාධක හඳුනාගැනීමෙන් පසු රොබෝවට තම ගමන් මාර්ගය ස්වයංක්රීයව සැලසුම් කර ගත හැකි බව එම වාර්තාවේ සඳහන් වේ.
BG-5 රොබෝවේ දිග මිලිමීටර් 640ක්, පළල මිලිමීටර් 204ක් සහ උස මිලිමීටර් 90ක් වන අතර එහි බර කිලෝග්රෑම් 3කි.
සමාගමේ නිෂ්පාදන නාමාවලියට අනුව එහි උපරිම මෙහෙයුම් ගැඹුර මීටර් 5ක් වන අතර උපරිම වේගය තත්පරයකට මීටර් 0.6කි.
සාම්ප්රදායික ප්රොපෙලරයක් භාවිත කිරීම වෙනුවට මාළුවෙකුගේ වලිගය මෙන් චලනය වන බහු සන්ධි සහිත වලිගයක් මගින් රොබෝව ඉදිරියට ගමන් කරයි.
දිය යට ගමන් කිරීමේදී බාධක ස්වයංක්රීයව හඳුනාගෙන ඒවා මඟහැරීමටද BG-5 නිර්මාණය කර තිබේ.
මේ අතර, නිෂ්පාදකයා විසින් BG-5V ලෙස තවත් ආකෘතියක්ද හඳුන්වාදී ඇති අතර, එයට ගමන් මාර්ග සැලසුම් කිරීම, කාර්යයන් බෙදාදීම, කණ්ඩායම් චලනය පාලනය කිරීම සහ රොබෝ කිහිපයක් අතර සහයෝගයෙන් කටයුතු කිරීම වැනි හැකියාවන් ඇතුළත් බව සඳහන් කර ඇත.
ආරක්ෂක කටයුතු සඳහාද අවධානය
BG-5 නිපදවන Boyagongdao සමාගම දිය යට ජෛව අනුකරණ රොබෝ තාක්ෂණය සම්බන්ධයෙන් ආරක්ෂක ක්ෂේත්රය සමඟ සම්බන්ධතා ඇති සමාගමක් ලෙසද සඳහන් වේ.
සමාගම පවසන්නේ දිය යට ජෛව අනුකරණ හඳුනාගැනීමේ වේදිකාවක් සම්බන්ධ ජාතික ආරක්ෂක ප්රධාන විශේෂ ව්යාපෘතියකට තමන් දායක වී ඇති බවයි.
World Robot Conference විසින් පළ කර ඇති තොරතුරුවලට අනුව, එම සමාගම හමුදා ඒකකයක් සමඟ එක්ව ROBO-SHARK නමැති ජෛව අනුකරණ දිය යට රොබෝවක්ද නිපදවා තිබේ.
BG-5 හි කුඩා ප්රමාණය, මාළුවෙකුට සමාන හැඩය සහ ස්වයංක්රීය ගමන් කිරීමේ හැකියාව හේතුවෙන් නොගැඹුරු ජල ප්රදේශවල සෝදිසි සහ නිරීක්ෂණ කටයුතු සඳහා එය භාවිත කළ හැකි බවට අවධානය යොමුවී තිබේ.
කිලෝග්රෑම් 3ක් පමණක් බරැති එහි කුඩා ප්රමාණය හේතුවෙන් විශාල දිය යට මිනිසුන් රහිත යාත්රා භාවිත කිරීමට අපහසු සීමිත හෝ නොගැඹුරු ජල ප්රදේශවල මෙහෙයුම් සිදු කිරීමට හැකියාව ලැබිය හැකිය.
එමෙන්ම, මාළුවෙකුගේ චලනය අනුකරණය කරන බහු සන්ධි වලිගය හේතුවෙන් දිය යට අඩු අවධානයක් යොමු වන ආකාරයෙන් නිරීක්ෂණ කටයුතු සිදු කිරීමටද හැකියාවක් තිබිය හැකි බව සඳහන් වේ.
විශේෂයෙන්ම BG-5V ආකෘතියේ ගමන් මාර්ග සැලසුම් කිරීම, කාර්යයන් බෙදාදීම, කණ්ඩායම් පාලනය සහ රොබෝ කිහිපයක් අතර සම්බන්ධීකරණ හැකියාවන් හේතුවෙන් රොබෝ කිහිපයක් එක්ව සෝදිසි, නිරීක්ෂණ සහ හඳුනාගැනීමේ මෙහෙයුම් සිදු කිරීමේ හැකියාවක්ද අනාගතයේදී ඇති විය හැකි බව විශ්ලේෂණය කෙරේ.
This isn't a real fish – it's a robot at the CIFTIS!
This bionic fish robot is based on the arowana's look and swimming style, powered by fluid simulation tech. It glides as smoothly and gracefully as a real fish, almost impossible to tell apart. pic.twitter.com/HmEVi7puLO— China Xinhua News (@XHNews) September 12, 2026
