අම්බලන්ගොඩ නගර සභාවේ සභාපතිට කොවිඩ් වැලදේ.
කොවිඩ් – 19 වෛරසය අම්බලන්ගොඩ නගර සභාවේ සභාපතිවරයාටත් ආසාදනය වී තිබේ.
ඒ අනුව එම නගර සභාව තාවකාලිකව වසා දැමුණු අතර කොවිඩ් ආසාදිත සභාපතිවරයා ප්‍රතිකාර සදහා IDH රෝහල වෙත ඊයේ (27) පස්වරුවේ රැගෙන ගොස් ඇත.
එමෙන්ම ගම්පොළ නගරයේ පිහිටි ප්‍රධාන රක්ෂණ ආයතනයක කාර්ය මණ්ඩලයට කළ රැපිඩ් ඇන්ටිජන් පරීක්ෂණවල දී ඉන් 22 දෙනෙකුටම වෛරසය වැළඳි ඇතැයි තහවුරු විය.
පසුව ඔවුන් ප්‍රතිකාර මධ්‍යස්ථාන කරා යොමු කෙරුණු අතර ඔවුන්ගේ ආශ්‍රිතයින් වූ පුද්ගලයින්ගේ පවුල 30ක් නිරෝධායනයට යොමු කර තිබේ.
මෙරටින් වාර්තා වූ සමස්ත කොවිඩ් ආසාදිතයින් ගණන 103,487ක් දක්වා ඉහළ ගොස් ඇති අතර පූර්ණ සුවය ලැබූ ගණන 94,856කි.
7,976 දෙනෙක් රෝහල්ගතව ප්‍රතිකාර ලබති.
මේ අතර, කොවිඩ් රෝගය ඉදිරියේදී රට තුළ උත්සන්න වුවහොත් ඊට මුහුණ දීමට අවශ්‍ය සැලසුම් මේ වනවිට සකස් කර ඇති බව වසංගත රෝග විද්‍යා අංශයේ ප්‍රධානී විශේෂඥ වෛද්‍ය සුදත් සමරවීර මහතා පවසයි.
ඔහු පෙන්වා දෙන්නේ රෝගීන්ට අවශ්‍ය රට තුළ පවතින ඔක්සිජන් නිෂ්පාදනය ද තුන් ගුණයකින් වැඩි කිරීමේ හැකියාන පවතින බවය.
“ඉදිරියේදී රට තුළ හඳුනාගන්නා ආසාදිතයින්ට රෝහල් තුළ ගැටලුවක් නැතිව ප්‍රතිකාර කරන්න පුළුවන් වෙයි කියලා අපි අපේක්ෂා කරනවා. ඒ සඳහා අවශ්‍ය පහසුකම් පිළිබඳව අපි දිගින් දිගටම සාකච්ඡා කරලා මේ වෙනකොට සැලසුම් හදලා තියෙනවා. අපිට අවශ්‍ය තරම් ඔක්සිජන් තියෙනවා. ඒ වගේම ඉදිරියේදී අවශ්‍ය වුණොත් ඔක්සිජන් නිෂ්පාදනය දැනට පවතින ප්‍රමාණය අනුව තුන් ගුණයක් දක්වා ඉතා කෙටි කාලයක් තුළ වැඩි කිරීමේ හැකියාව අපේ රට තුළ තියෙනවා,”
