රිච්ටර් මාපකයේ ඒකක 7ක භූමිකම්පාවක් නිසා තුර්කියට හා ග්‍රීසියට සුනාමි තත්වයක්
භුකම්පනයක් හේතුවෙන් තුර්කියට සහ ග්‍රිසියේ, සමොස් දුපතට සුනාමි තත්ත්වයක් ඇතිවී තිබෙන බව විදෙස් මාධ්‍ය වාර්තා කර සිටියි.
රිච්ටර් මාපකයේ ඒකක 7.0 ක අගයක් වාර්තා වූ මෙම භූකම්පනය හේතුවෙන් තුර්කියේ විශාල ප්‍රමාණයේ ගොඩනැගිලි 06ක් කඩා වැටී තිබේ. එරට ආපදා කළමණාකරන ප්‍රධානියා පවසන්නේ පුද්ගලයින් 17 දෙනෙකු ජිවිතක්ෂයට පත්ව තවත් 700 කට අධික පිරිසක් තුවාල ලබා ඇති බවයි.
තුර්කියේ ඉස්මීර් හි ගුසෙල්බාස් ප්‍රදේශයේ සිටින් ආචාර්ය උපාධිධාරියෙකු වන ඉල්කේ සයිඩ් පැවසුවේ තමා භූමිකම්පා වලට හුරුවී සිටින පුද්ගලයකු වුවත් ඉතාමත් බියජනක වූ මෙම භූමිකම්පාව අවම වශයෙන් තත්පර 25-30 අතර කාලයක් පැවතුන බවත්, එම තත්වය නිසා ජල මට්ටම ඉහළ යාම සිදුවන බැවින් තමා රට තුළට දිව ගිය බවත්ය.
මෙම භූමිකම්පාව නිසා ග්‍රීසියේ සමෝස් දූපතේ තරුණයෙකු හා තරුණියක් බිත්තියක් කඩාවැටීම නිසා මියගොස් ඇති බව විදෙස් මාධ්‍ය වාර්තා කරයි.
මෙම භූමිකම්පාව නිසා ඇතිවූ තත්වය පිළිඹදව විදෙස් මාධ්‍ය වාර්තා කළ ඡායාරූප පහත දැක්වේ.
