මානව හිමිකම් කවුන්සිලයෙන් ලංකාව ඇතුළු රටවල් රැසකට චෝදනා
කොවිඩ් 19 වසංගතයට එරෙහිව සටන් කරන බව කියමින් රටවල් ගණනාවක් නීතියේ ආධිපත්‍යය හා මානව හිමිකම් කඩ කරමින් සිටින බව එක්සත් ජාතීන්ගේ මානව හිමිකම් කවුන්සිලය පවසයි. එම නිවේදනයේ වැඩිදුරටත් දැක්වෙන්නේ ශ්‍රී ලංකාව, සයිබීරියාව, කෙන්යාව, දකුණු අප්‍රිකාව, පිලිපීනය, එල්-සැල්වදෝරය, ඩොමිනික් රාජ්‍යය, පේරු, හොන්ඩියුරාස්, ජෝර්දානය, මොරොක්කෝ, කාම්බෝජියාව, ඉරානය සහ හංගේරියාව යන රටවල් මානව හිමිකම් උල්ලංඝනය වීම් සිදුකරන බවට වාර්තා වන බවයි.
එමෙන්ම මානව හිමිකම් කවුන්සිලයේ ප්‍රධානී මිෂෙල් බැෂලෙට් අදාළ රටවලින් ඉල්ලා ඇත්තේ සුවිශේෂී හෝ හදිසි ක්‍රියාමාර්ගවලට මුවා වී මානව හිමිකම් උල්ලංඝනය කිරීම්වලින් වළකින ලෙසත්, හදිසි බලතල යනු විසම්මුතීන් මැඩ පැවැත්වීමට, ජනගහනය පාලනය කිරීමට සහ බලයේ සිටින කාලය තවදුරටත් පවත්වා ගැනීමට රජයන්ට හැකියාව ලැබෙන ආයුධයක් නොවිය යුතු බවත්ය.
