ගුවන් මගීන් ප්රවාහනය තාවකාලිකව අත්හිටවා ඇති පසුබිමක, මේ වනවිට තමන්ගේ ප්රධාන අදායම් මාර්ගය බවට පත්ව ඇත්තේ ගුවන් භාණ්ඩ ප්රවාහනය බව ශ්රී ලන්කන් ගුවන් සේවයේ ගුවන් භාණ්ඩ ප්රවාහන අංශයේ ප්රධානී චාමර රණසිංහ මහතා පැවසීය. ඒ ඊයේ (28) දිනයේ පැවති ප්රවෘත්ති සාකච්ඡාවකදීය.
නව අත්දැකීමක් වූ මෙම ගුවන් භාණ්ඩ ප්රවාහනය තමන්ට අභියෝගයක් වුවත් ශ්රී ලන්කන් ගුවන් සේවයේ කාර්යය මණ්ඩලය එම කර්තව්යය මහත් වගකීමෙන් යුතුව ඉටු කරන බවත් ඔහු පැවසීය.
පසුගිය මාර්තු 12 දින මගී ගුවන් කටයුතු තාවකාලිකව අත්හිටුවීමෙන් පසු ඊයේ (28) දිනය දක්වා ගතවූ කාළය තුළ ශ්රී ලන්කන් ගුවන් සේවය භාණ්ඩ ප්රවාහන ගුවන් ගමන් වාර 50කින් කිලෝ ග්රෑම් දශ ලක්ෂයක් බර භාණ්ඩ තොග ගුවන් මගින් ප්රවාහනය කර ඇති බවත් එම භාණ්ඩ වලින් 55% ක්ම පළතුරු, එළවළු සහ අත්යාවශ්ය ආහාර ද්රව්ය වූ බවත් ඔහු පැවසීය.
අදාළ භාණ්ඩ ඩුබායි රාජ්ය, සෞදි අරාබියේ රියාද් සහ ජෙඩා, මාල දිවයින යන ගමනාන්ත වෙත ප්රවාහනය සිදු කර ඇති බවත් මෙමගින් අපනයන කටයුතු ඉහළ ගොස්, ශ්රී ලංකාවේ ආර්ථිකයටද ශක්තියක් වන බවත් පැවසීය.