කොරොන වයිරසය වැළඳී ඇති බවට සැක කෙරෙන රෝගීන්ට ප්‍රතිකාර කිරීම සඳහා චීන නගරයක් වන වුහාන් දින හයකින් රෝහලක් ඉදිකිරීමට සූදානම් වේ.
චීනයේ දැනට තහවුරු වී ඇති රෝගීන් 830 ක් ඇති අතර ඉන් 41 ක් මියගොස් තිබේ.
මිලියන 11 ක පමණ ජනතාවක් වාසය කරන වුහාන් හි කොරොන වයිරසය ව්‍යප්තවීම ආරම්භ වූ අතර මේ වන විට නගරයේ රෝහල් රෝගය වැළදී ඇතැයි සැක කරන නගර වැසියන්ගෙන් පිරී ඉතිරී ගොස් ඇති අතර ඖෂධ අවශ්‍ය ප්‍රමාණයන්ගෙන් නොමැති බවටද වාර්තා වෙනවා.
එරට මාධ්‍ය වාර්තා වලට අනුව නව රෝහලේ ඇඳන් 1,000 කින් පමණ සමන්විත වන අතර 2003 දී සාර්ස් වෛරසය මැඩපැවැත්වීම සඳහා බීජිං හි පිහිටුවන ලද රෝහලට සමානව මෙම රෝහල ඉදිකෙරෙන බව වාර්තා වේ.
“මෙවැනි ස්මාරක ව්‍යාපෘති සඳහා වේගයෙන් දේවල් සිදුකිරීමේ වාර්තාවක් චීනයට තිබේ” යැයි විදේශ සබඳතා පිළිබඳ කවුන්සිලයේ ගෝලීය සෞඛ්‍ය පිළිබඳ ජ්‍යෙෂ්ඨ්‍ය සාමාජිකයෙකු වන යන්ෂොං හුවාං පවසන අතර ඔහු පෙන්වා දෙන්නේ 2003 දී බීජිං හි රෝහල දින හතකින් ඉදිකර ඇති බැවින් ඉදිකිරීම් කණ්ඩායම එම වාර්තාව පරාජය කිරීමට උත්සාහ කරන බවයි.
“චීන ඉංජිනේරු කටයුතු හොඳ මට්ටමක පවතී. වේගයෙන් අහස ගොඩනැගිලි තැනීම පිළිබඳ වාර්තා ඔවුන් සතුව ඇත. මෙය බටහිරයන්ට සිතා ගැනීම ඉතා අපහසුය. නමුත් එය කළ හැකිය” යනුවෙන් ඔහු තවදුරටත් පැවසීය.
නියමිත වේලාවට ඉදිකිරීම් නිම කිරීම සඳහා රට පුරා ඉංජිනේරුවන් ගෙන්වා ගන්නා බව හුවාං මහතා පැවසීය.
බීජිං හි රෝහල මෙන්, වුහාන් මධ්‍යස්ථානය ද පෙර සැකසූ ගොඩනැගිලි ඉදිකිරීමට නියමිත බව වාර්ථාවේ.
