Rapid Test Kit පරීක්ෂණය අසමත්ද?

ලිවර්පූල්හි සිදුකල පරීක්ෂණවලින් අනාවරණයවී ඇත්තේ, PCR පරීක්ෂණවලින් හදුනාගත් ආසාදිතයින්  දස දෙනෙකුගෙන්, රෝගීන්ගෙන් 05ක් පමණක් මෙම Rapid Test Kit හෙවත් වේගවත් කෝවිඩ් පරීක්ෂණවලින් හදුනාගැනීමට හැකි වු බවයි.

මීට පෙර සිදුකල රසායනාගාර යෝග්‍යතා ඇගයීම් වලදී, Rapid Test Kit හෙවත් වේගවත් කෝවිඩ් පරීක්ෂණ වලින්  පුද්ගලයෙකු තුළ වෛරසය ඉහළ මට්ටමේ පැවතුනද, ආසාදනවලින් සියයට 5 ක් හදුනා ගැනීමට අපොහොසත් වන බවට සදහන්ය.

පර්යේෂකයන් අතින් සිදුවන අත්වැරදීම් වලට (Human Error)  අමතරව පාලිත පරිසරයක රසායනාගාර පරීක්ෂණ සිදු කිරීම මෙම විෂමතාවයට හේතුව විය හැකි බව එම වාර්තා වල සදහන්වේ.

නමුත් රසායනාගාර හී අධ්‍යනය සිදුකරන PCR පරීක්ෂණ ලෝකයේ රන් ප්‍රමිතිය හෙවත් Gold Standard පරීක්ෂණය ලෙස සලකනු ලබන අතර, කොවිඩ් -19 රෝග ලක්ෂණ ඇති පුද්ගලයින් හට සිදු කල හැකි හොදම පරීක්ෂණය එය ලෙස හදුනාගෙන ඇත.

තවද එන්ගලන්ත රජයේ දත්ත වලට අනුව මෙම PCR පරීක්ෂණ අති සාර්ථක බවට පෙන්වා දී ඇත.

“මෙම Rapid Test Kit පරීක්ෂණය කොවිඩ් හදුනා ගැනීම සඳහා සුදුසු නොවේ” යැයි බර්මින්හැම් විශ්ව විද්‍යාලයේ ජෛව විද්‍යාත්මක විද්‍යාව පිළිබඳ මහාචාර්යවරයෙක් සහ කොවිඩ් -19 පරීක්ෂණ පිළිබඳ කොක්රාන් සහයෝගීතා පර්යේෂණයේ නායක ජෝන් ඩීක්ස් පැවසීය.

ඔහු තවදුරටත් පවසා ඇත්තේ Rapid Test Kit හෙවත් වේගවත් කෝවිඩ් පරීක්ෂණය  දිගින් දිගටම අසමත්වීම් පෙන්වන්නේ නම් මෙය වහාම භාවිතයෙන් ඉවත් කල යුතු බවයි.