මහර බන්ධනාගාර නොසන්සුන්කාරී තත්වයට හේතුව පාතාල කල්ලි කිහිපයක් අතර ඇතිවූ ගැටුමක් බවත් ඔවුන්ගේ බලාපොරොත්තුව වූයේ කෙසේ හෝ අවි ගබඩාව කඩා ආවුද අතට ගැනීම වුවත් එය නිශ්ථල කිරීමට තමා හා තම නිළධාරින් හට හැකි වූ බව මහර බන්ධනාගාර අධිකාරී ජගත් වීරසිංහ මහතා පැහැදිළි කළේය.
“මේ සිද්ධිය ඇති වුණේ එදා 4ට 4.30ට විතර. ඒ අවස්ථාවේ අපි බන්ධනාගාරයේ එක එක අංශ කෑම දීමට විවෘත කරමිනුයි සිටියේ . ඒ අවස්ථාවේ මේගොල්ලො එකතු වෙලා එකපාරටම ප්‍රධාන දොරටුව ළඟට එන්න ගත්ත. එතන දාහක් එක්දහස් දෙසීයක් විතර එක් රැස්වෙලයි සිටියේ. මුලින් හිටපු අය අපට ඇහුන්කන් දුන්නත් පිටිපස්සෙන් හිටපු අය බොහොම ආවේගශීලිව කෑකෝගසමින් හැසිරෙන්න ගත්ත. මේ ආවේගශීලිව සිටි අය අනෙක් වාට්ටුවල ඉබ්බෝ කඩ කඩ කට්ටිය එළියට ගෙන එකතු කරන්න පටන් ගත්තා. පස්සේ 2000ක් විතර එකතු වුණා. මේ ආවේගශීලිව හැසිරුණු අය කවුරුවත් කොවිඩ් වාට්ටුවල අය නෙමෙයි. මේ අය සියලු දෙනා දරුණු කුඩු ගෑම් 2කේ ඉඳන් කුඩු කිලෝ 50 තියාගෙන සිටි දරුණු ගනයේ අපරාධකරුවන්ගේ වාට්ටුවෙන් තමයි මේ ප්‍රශ්නය ආවේ. මේ අයගේ ඉලක්කය වුණේ අවි ගබඩාව. ගැටලුව දරුණු වන විට මම නිලධාරීන් 03 දෙනෙකුට කිව්වා T56 අවිවලින් උඩට වෙඩි තියන්න කියලා. ඒත් මෙයාලා නැවතුනේ නෑ. පස්සේ අපේ නිළධාරින් කඳුළු ගෑස් උණ්ඩ 7ක් ගැහුවා . ඒක එයාලට දැණුනෙවත් නෑ. වෙන විකල්ප ඇත්තෙම නැති නිසා රබර් උණ්ඩවලින් වෙඩි තිබ්බා. අවි ගබඩාව කඩන්න තිබ්බ ඉඩකඩ නැතිකරවනයි මෙම අවම බලතල භාවිත කලේ කැඩුවනම් මහ විනාශයක් වෙන්න තිබ්බා. තවත් විනාඩි දෙක තුනක් ගියානම් මේක ටච් කරන හින්දා දණහිසෙන් පල්ලෙහාට වෙඩි දෙක තුනක් තියන්න කියලා නිලධාරීන්ට අණ දුන්නා. එතකොට තමයි නොසන්සුන්කාරී විදිහට හැසිරුණු අය ආපසු දෙපැත්තට විසිරිලා ගියේ. මෙතන ගැටලුවට ප්‍රදාන හේතුව පාතාල කල්ලි තහරක් පහක්. මේගොල්ලොන්ව අපි වෙන වෙනම තබන්නෙ. මෙතන ඔක්කොම එකතු වුණ නිසා එකිනෙකා මරාගන්න ගත්තා. එයාලගෙ පුද්ගලික ප්‍රශ්න එතනින් විසඳගන්න උත්සහ කළා.”
මහර බන්ධනාගාර අධිකාරී ජගත් වීරසිංහ
