හදිසියේ දීමට යන මත්පැන් නිශ්පාදන බලපත්‍රය මොකක්ද ?
මෙම නව මත්පැන් බලපත්‍රය ගැන ගැටලුව පාර්ලිමේන්තුවට ඉදිරිපත් කරනු ලැබුවේ බුද්ධික පතිරණ මන්ත්‍රී තුමන් විසිනි ඔහු අසා සිටියේ ස්ථානීය පරික්ෂාවක් හෝ ජනතා මතය නොවිමසා මෙවැනි බලපත්‍රයක් නිකුත් කරනුයේ කෙසේද යන්නයි.
ඔහු තවදුරටත් කියා සිටියේ මෙරට මත්පැන් නිශ්පාදනවලට බලපත්‍ර 25ක් පමණ පවතින බවත් එයින් බලපත්‍ර 5 සමස්ථ සුරාබදු ආදායමෙන් 93-95% පමණ ප්‍රමාණයක් රජයට ලබාදෙන අතර ඉතිරි බලපත්‍ර 20ම රජයට ලබා දෙන්නේ 5% පමණ බදු ආදායමක් බවයි.
මෙම අවම බදු ප්‍රමාණයක් ගෙවන බලපත්‍ර හිමියන්ගෙන් විශාල බදු අක්‍රමකතා සිදුවන බවත් එයින් රජයට විශාල බදු මුදලක් රජයට අහිමි වන බවත් ඔහු පෙන්වා දෙයි. එලෙසම බලපත්‍රයක් හිමි අයෙකුට තවත් එවැනිම බලපත්‍රයක් ලබා දීම විශාල ගැටලුවක් බවත් තවද එම පුද්ගලයා වයින් බලපත්‍රයක් මගින් නිශ්පාදනයක් වෙළෙඳපොළට නිකුත් කරන බවත් එයට වයින් සදහා ඇති බද්දට වඩා අඩු මුදලක් රජයට ගෙවන බවත් වැඩිදුරටත් පැවසීය.
” දැනට පවතින බදු ක්‍රමවේදයට අනුව මත්පැන් වල අන්තර්ගත ඇල්කොහොල් ප්‍රමාණයට අනුව වයින් සඳහා රුපියල් 3,200 ක බද්දක් ගෙවිය යුතු වනවා නමුත් දේශීය වයින් සඳහා ගෙවන බද්ද රුපියල් 900 ක් පමණයි. මෙවන් පුද්ගලයන්ට නව බලපත්‍ර නිකුත් කිරීමෙන් රජයේ ආදායම තවදුරටත් අහිමිවනවා” යනුවෙන් බුද්ධික පතිරණ මන්ත්‍රීවරයා පෙන්වා දුන්නේය.
එලෙසම පැරණි සුරාබදු පනතට අනුව වයින් වරගයක් නොවන ඉහත කී මත්පැන් ලීටරයකින් රජයට රුපියල් 2300ක බද්දක් රජයට අහිමි වන බවත් මේසේ සිදුවන් සුරාබදු වංචා හේතුව නිසා වාර්ෂිකව රජයට ලැබිය යුතු බදු බිලියන 80ක් පමණ රජයට අහිමි වන බව ඔහු පෙන්වා දුන්නේය.
මෙයට පිළිතුරු දක්වමින් මුදල් රාජ්‍ය ඇමති අජිත් නිවාඩ් කබ්රාල් මහතා කියා සිටියේ මේ ගැන පරීක්ෂණයක් පවත්වා පාර්ලිමේන්තුව දැනුවත් කරන බවයි.
