සාමාන්‍ය පෙළ ප්‍රතිඵල ඉදිරි දින කිහිපය ඇතුළත නිකුත් කෙරේ
කොරෝනා වසංගත තත්වය නිසා රට තුළ ඇතිවූ තත්වය මත පසුගිය මාර්තු මස අගදී නිකුත් කිරීමට නියමිතව තිබූ අධ්‍යන පොදු සහතික පත්‍ර සාමාන්‍ය පෙළ විභාගයේ ප්‍රතිඵල හෙටින් ආරම්භ වන සතිය තුල නිකුත් කිරිමට අපේක්ෂා කරන බව විභාග දෙපාර්තමේන්තුව පවසයි. ඊට අදාළ කටයුතු මේ වනවිට අවසන් අදියරේ පවතින බව විභාග කොමසාරිස් ජනරාල් සනත් පූජිත මහතා සඳහන් කළේය.
මෙවර විභාග ප්‍රතිඵල පාසල් වෙත තැපැල් කිරීම සිදු නොකිරීමටත්, අදාළ ලේඛණ පාසල්වල විදුහල්පතිවරුන්ට මාර්ග ගත හෙවත් ඔන්ලයින් ක්‍රමයට ලබාදීම සඳහා ක්‍රමවේදයක් සකස් කිරීමට කටයුතු කරන බවටත් විභාග කොමසාරිස් වරයා දන්වා සිටී.
කෙසේ වෙතත් අයදුම්කරුවන්ට ප්‍රතිඵල www.doenets.lk වෙබ් අඩවියට පිවිසීමෙන් ලබාගත හැකි අතර තාවකාලික ප්‍රතිඵල සහතිකයක් ද එමගින් ලබා ගත හැකි බවද විභාග කොමසාරිස් ජනරාල්වරයා කියා සිටියේය.
