රනිල් තමාගේ බලය රැක ගන්න කෝටි ගණන් ණය වී වාහන ලබා දුන්නා – එස් බී දිසානායක
එක්සත් ජාතික පක්ෂයේ නායක රනිල් වික්‍රමසිංහ මහතා තම බලය රැක ගැනිම සඳහා විශාල ලෙස ණය වී මැති ඇමතිවරුන්ට සහ මන්ත්‍රිවරුන්ට අලුතින් වාහන ලබා දීමට කටයුතු කළ බව ඉඩම් සහ ඉඩම් සංවර්ධන රාජ්‍යය අමාත්‍යය එස්.බි.දිසානායක මහතා පවසයි.
ඔහු මේ බව පැවැසුවේ අද (10) දින කොත්මලේ ප්‍රාදේශීය ලේකම් කාර්යාලයේ ඉඩම් අමාත්‍යංශය මගින් පවත්වනු ලැබූ ඉඩම් ජංගම සේවයකට සහභාගි වෙමිනි.
මෙහිදි වැඩි දුරටත් අදහස් දැක් වු අමාත්‍යවරයා කියා සිටියේ කිසිදු ආර්ථික සැලසුමක් නොමැතිව විශාල වශයෙන් ණය වී අති සුපෝගභෝගි වාහන මෙසේ මැති ඇමතිවරුන්ට ලබා දී ඇති බවත්, එක්සත් ජාතික පක්ෂයෙන් ගිලිහී යන බලය රැක ගැනිමට වාහන ගෙන්වා දුන් රනිල් වික්‍රමසිංහ මහතාගේ බලය තවදුරටත් පක්ෂය තුළ පිරිහී ඇති බවද ඔහු පැවැසීය. අමාත්‍යංශ ලේකම්වරුන්ට බලපැම් සිදු කර එම වාහන ගෙන්වා ඇති බවත් ඔහු සඳහන් කළේය.
සිය වාසිය තකා ඕනෑම අමන තකතීරු වැඩක් කිරීමට සූදානම් ශ්‍රී ලාංකීය දේශපාලනයේ බිහිවූ මජර කුජීත මිසදුටුවා. මෙවුන් වන් නිර්ලජ්ජිතයින් රටටවග කියන සදාචාරාත්මක මාධ්‍යන් ගෙ න් ප්‍රවර්දනය කොකලයුතුයි එසේ කිරීමෙන් එම මාධ්‍යන්ද මොහු ගේ තත්වයෙන් මැනීමට ජනතාව හුරු වේවී