යහපාලන ආණ්ඩුව විසින් ඉන්ටර්පෝල් රතු වරෙන්තු ලැයිස්තුවෙන් ඉවත් කළ හිටපු කොටි ත‍්‍රස්ත නායකයන් 140 දෙනකුගේ නම් යළි ඉන්ටර්පෝල් ලැයිස්තුවට ඇතුළත් කිරීමට මහජන ආරක්ෂක ඇමැති සරත් වීරසේකර මහතා තීරණය කර තිබේ. ඒ මහතා පවසා සිටින්නේ තහනම අහෝසිවූ මෙම කොටි සාමාජිකයින් යළි අරමුදල් එකතු කරන බවට තොරතුරු ලැබී ඇති බවයි.
මොවුන් අතර ගෝලීය ද්‍රවිඩ සංසදයේ නායක එමානුවෙල් පියනම නෝර්වේ කොටි නායක තෙදියවන් යන අයද සිටින බවට වාර්තා වේ.
පසුගිය යහපාලන රජය මෙම කොටි නාමලේඛනය හොර රහසේම අහෝසි කර තිබුණු බවටත්, එම කොටි ලැයිස්තුව ඉන්ටර්පෝල් පොලිසියෙන් ඉවත්කර ගැනීම සඳහා හිටපු දේශපාලඥයෙකු හමුදා බුද්ධි නිලධාරීන්ට දැඩි බලපෑම් කර තිබූ බවද වාර්තා පළ විය.
