සුපිරි පාපන්දු ක්‍රිඩක මියගිය දියැගෝ මැරඩෝනාගේ මරණය පිළිබඳ මේ වන විට ඔහුගේ ප්‍රේක්ෂකයන්ගේ හා ආශ්‍රිතයන්ගේ විශාල කතාබහකට ලක්ව ඔහු මරා දැමුවාදැයි සැක සංකා මතුව ඇත.
මේ හේතුවෙන් ඔහුගේ වෛද්‍යවරයා වන වෛද්‍ය ලියෝපොල්දෝ ලුකේගේ නිවස හා වෛද්‍ය චිකිත්සාගාරය පොලීසිය විසින් සොදිසි කරන ලදී. මෙම වෛද්‍යවරයා විසින් මැරඩෝනාට සිදුකල සැත්කමකින් පසුව ඔහුගේ නොසැලකිලිමත් කම නිසාවෙන් මැරඩෝනා මියගියේදැයි මෙම පරීක්ෂණයේදී සොයා බැලේ.
මොළයේ තැම්පත් වූ රුධිර කැටියක් ඉවත් කිරීමට මෙම සැත්කම සිදුකර ඇති අතර එම සැත්කම සාර්ථක වූ බව වෛද්‍යවරයා පවසා ඇත එලෙසම මැරඩෝනා තදින් මත්පැන් පානයට යොමුව සිටි බැවින් ඔහු එයින් මුදවා ගැනීමට ප්‍රතිකාර කිරීමට යොමු කරවීමට නියමිත කර තිබූ බව වෛද්‍යවරයා පවසා ඇත.
වෛද්‍යවරයා වෙනුවෙන් සිදුකරන පරීක්ෂණ අතර සැත්කමෙන් අනතුරුව මැරඩෝනා නිවසට ගෙනයාමේදී අවශ්‍ය පහසුකම් සලසා ඇත්දැයි සැක පහළව ඇත.
තවද මතට ඇබ්බැහි වූවෙකුට ලබා දෙන පැය 24ක හෙද සේවය ලබා දුන්නේද හදිසි අවස්ථාවේ ක්‍රියාත්මක වීමට වෛද්‍යවරයෙකු යොදවා තිබුනේද, හදිසි අවස්ථාවක භාවිතා කල හැකි පරිදි හෘදය නැවත පණ ගැන්විය හැකි උපකරණ හා ගිලන් රථයක් යන පහසුකම් සලසා තිබුනේද යන්න මෙහිදී සොයා බැලේ.
නමුත් වෛද්‍යවරයා පවසා සිටියේ මැරඩෝනා ජීවත් කරවීමට කල යුතු සියල්ල තමා සිදුකල බවයි එලසම ඔහු මාධ්‍යවේදින්ට මෙලෙසද පවසා සිටියේය.
“නුඹලාට අවශ්‍ය මම වග කියන්න ඕන මොනවටද කියලනේ? ඔහුට ආදරය කලාට, ඔහුව රැකබලා ගත්තාට, ඔහුගේ ජීවත් වන කාලය දිගු කලාට, අවසානය දක්වා ඔහුගේ ජීවිතය වඩා යහපත් තත්වයකට පත් කලාට.”
