මහර බන්ධනාගාරය තුල ඇති වු සිද්ධියට තමන් සම්බන්ධ බව පවසන චෝදනාව සම්පුර්ණ අසත්‍යක් බව එම බන්ධනාගාරයේ වෛද්‍ය “ඉන්ද්‍රජිත් පනවැන්න” සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධනට පැමිණිලි කර ඇත.
තමන් 2019 ඔක්තෝබර් මස 31 රෝහලට සේවයට වාර්තා කරන විටද එහි සිටි වෛද්‍යවරයා අවශ්‍ය බේත් ඇණවුම් කර තිබු බවත් එහි මානසික රෝගීන් තිස් දෙනකුට සහ මත්ද්‍රව්‍යවලට ඇබ්බැහිවී සිටි රැඳවූවන්ට ලබා දෙන ඖෂධ වර්ග අටක් තිබූ අතර, එම සියලු ඖෂධ බාහිර රෝගී අංශයේ තබා තිබූ බවද වාර්තා වනවා.
තවද මානසික රෝගින්ට ලබා දී තිබූ ඖෂධ මගින් රැදවියන් කලහකාරී වූ බව ජනමාධ්‍ය මගින් හෙළි කරන පුවත බොරුවක් බවත් එම බෙහෙත් මගින් ඖෂධවලින් ප්‍රචණ්ඩත්වයක් ඇති නොවන බවත් කලහකාරී බව අඩුවන බවත් මානසික රෝග විශේෂඥවරු පෙන්වාදෙයි.
