කෑගල්ල ප්‍රදේශයේ වෙද මහතෙක් කොවිඩ් වෛරසය වෙනුවෙන් නිපදවූ හෙළ ඔසුව පිලිබඳ මීලග අවසන් සායනික පරීක්ෂණවල නිගමනයන් ඉදිරි මාසය ඇතුළත රජයට දැනුම්දෙන බව ආයුර්වේද බලධාරීන් පවසයි.
එලෙසම මෙම ඖෂධය දේශීයව වැඩි වශයෙන් නිෂ්පාදනය කිරීමට වැඩිදුර පරීක්ෂණ රාජ්‍ය අනුග්‍රහය ඇතිව විද්වත් කමිටුවක අධීක්ෂණය යටතේ මේ වනවිට සිදු කෙරෙමින් පවතී.
එලෙසම මේ පිළිබද විද්වතුන් කිහිප දෙනෙක් මෙලෙස අදහස් දැක්වීය.
“එක පැත්තකින් ආයුර්වේද විද්වත් කමිටුවක් හරහා මේ දේශීය ඖෂධයේ තිබෙන ගුණාත්මකභාවය පිළිබඳ පරීක්ෂණය කිරීමටත් අනෙක් පැත්තෙන් වෛද්‍ය විද්‍යාව පිළිබඳ මහාචාර්යවරුන්ගෙන් සමන්විත කමිටුවක් හරහා නිසි ක්‍රමවේදයකට පරීක්ෂණයක් පවත්වා තීරණයක් ගැනීමටත් නිර්දේශ වුණා.” – වසංගතරෝග විද්‍යා අංශ ප්‍රධානී විශේෂඥ වෛද්‍ය සුදත් සමරවීර මහතා.
“මේ ඖෂධයේ විශාල ප්‍රතිඵලයක් තියෙන බවට සහතිකය දීලා තියෙන්නේ බටහිර වෛද්‍ය කණ්ඩායමක් විසිනි. දේශීය වෛද්‍ය ක්ෂේත්‍රයේ දැනට සහතික කර ඇති බෙහෙත් වට්ටෝරු හැත්තදාහක් විතර තියෙනවා. ඒ බෙහෙත් හදන්නේ වෛද්‍යවරුම නෙමෙයි,” – පළාත් ආයුර්වේද කොමසාරිස් වෛද්‍ය නිමල් කරුණාසිරි මහතා
