කොවිඩ් එන්නත් මාත්‍රා දෙක ලබා නොගත් පුද්ගලයින්ට පොදු ස්ථානවලට ඇතුළුවීම වාරණය කරමින් නීතිමය තත්ත්වය ගෙනඑන බව සෞඛ්‍ය අමාත්‍යවරයා පවසයි.
සෞඛ්‍ය අමාත්‍ය කෙහෙළිය රඹුක්වැල්ල මහතා පෙන්වා දෙන්නේ ඒ සම්බන්ධයෙන් ඊයේ නීතිපතිතුමාගෙන් පිළිතුරු ලැබුණු බවය.
“නීතිපතිතුමාට ලිව්වා. ඊයේ ඒකට පිළිතුර ඇවිත් තියෙනවා. නීතිමය තත්ත්වයන් තුළ පොදු ස්ථානවලට එන්නත් කාඩ්පත අනිවාර්යය කරනවා. ඒ එන්නත් දෙකම නැත්නම් පොදු ස්ථානවලට ඇතුළුවීමට වාර්ණයක් අපි ඉදිරිපත් කරන්නට බලාපොරොත්තු වෙනවා.”
