අද දිනය තුළ මෙරටින් වාර්තා වූ කොවිඩ් 19 රෝගීන් සංඛ්යාව 48ක්.
එම රෝගීන් අතර වැලිසර නාවික හමුදා කඳවුරේ හමුදා නිලධාරීන් 30 දෙනෙකුත්, බණ්ඩාරනායක මාවතේ නිරෝධායනයට ලක් කර සිටි පුද්ගලයින් 11 දෙනෙකුත්, එමෙන්ම නිවාඩු ලබා සිටි නාවික හමුදා සාමාජිකයින් 05 දෙනෙකුත් වන බව සෞඛ්ය අමාත්යංශය සදහන් කළා.
නිවාඩු ලබා සිටි නාවික හමුදා නිලධාරීන් 5 දෙනා රත්නපුර, කුරුණැගල, බදුල්ල සහ මහනුවර ප්රදේශවල පදිංචිකරුවන් බවට වාර්තා වේ.
අනෙක් රෝගියා මරදාන ප්රදේශයේ පදිංචි ගර්භණී කාන්තාවක් වන බවත්, අද පස්වරුවේ ඇගේ බිළිඳා මිය ගොස් ඇති බවත් සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා ප්රකාශ කළා.
මෙම රෝගීන් වාර්තා වීමත් සමගම මෙරට සමස්ත කොවිඩ් 19 රෝගීන් සංඛ්යාව 416 ක් දක්වා ඉහළ ගොස් තිබෙන අතර, ඉන් පුද්ගලයින් 109 දෙනෙකු මේ වන විට සම්පුර්ණ සුවය ලබා රෝහල් වලින් පිටව ගොස් තිබේ. ඒ අනුව තවදුරටත් රෝහල් ගතව ප්රතිකාර ලබන රෝගීන් සංඛ්යාව 300 ක් වේ.