දුමින්දට

දුමින්දට නිදහස ඉල්ලා අත්සන් කළ ලිපියට විපක්ෂයේ මන්ත්‍රීවරු 5ක් අත්සන් කරයි

Share this Article

භාරත ලක්ෂ්මන් ප්‍රේමචන්ද්‍ර ඝාතනයේ වැරදිකරුවෙකු වූ, මරණ දඬුවම නියමවී සිටින හිටපු පාර්ලිමේන්තු මන්ත්‍රී දුමින්ද සිල්වා හට ජනාධිපති සමාව ලබා දෙන ලෙස ඉල්ලා අත්සන් තබනු ලැබූ ලිපියට විපක්ෂයේ මන්ත්‍රීවරුන් 05 දෙනෙකු අත්සන් තබා ඇති බව තහවුරු වී තිබේ. ඒ අනුව සමගි ජන බලවේගයේ හවුල්කාර පක්ෂයක් ලෙසින් සිටින දෙමළ ප්‍රගතිශීලි සන්ධානයේ ඇතුළු වීපක්ෂයේ මන්ත්‍රීවරුන් 05 දෙනෙකු එම ලිපියට අත්සන් තබා ඇති බවට මේ වනවිට තොරතුරු වාර්තා වේ.

දෙමළ ප්‍රගතිශීලි සන්ධානයේ නායක මනෝ ගනේෂන් නිවේදනයක් නිකුත් කරමින් සඳහන් කර සිටින්නේ තමා දේශපාලඥයෙක්ට වඩා මානව හිමිකම් ක්‍රියාකාරිවරයෙක් ලෙසින් තරුණයින් දීර්ඝ කාලයක් සිරගතව රඳවා තබා ගැනීම කිසිසේත්ම අනුමත නොකරන බවයි.

මීට අමතරව ආණ්ඩු පක්ෂයේ මන්තී‍්‍රවරු 50කට අධික පිරිසක්ද හිටපු පාර්ලිමේන්තු මන්තී‍්‍ර දුමින්ද සිල්වාට ජනපති සමාව ලබාදී නිදහස් කරන්නැයි ඉල්ලා ලිපියකට අත්සන් තබා තිබේ. එම ලිපිය ඉදිරියේදී ජනාධිපති ගෝඨාභය රාජපක්ෂ මහතා වෙත භාර දීමට නියමිත බවටයි දේශපාලන ආරංචිමාර්ග වාර්තා කරන්නේ.


Share this Article

Leave a Reply

Your email address will not be published.