කොරෝනා වෛරසය සදහා ගැළපෙන මුඛ ආවරණය – N95

නව කොරෝනා වෛරසය පැතිර යාමත් සමග මුඛ ආවරණ () සදහා දැඩි ඉල්ලුමක් පවතී. මුඛ ආවරණ මිලදී ගැනීමේදී සාමාන්‍ය මාස්ක් භාවිතා නොකර ඒ සඳහා N95 වර්ගයේ මුඛ ආවරණයක් පැලඳිය යුතු බව සෞඛ්‍ය බලධාරීන් පෙන්වා දෙයි. N95 මුඛ ආවරණ මගින් අවට වාතයෙන් බොහෝ වාත අංශු පෙරීම මගින් විෂ්කම්භය මයික්‍රෝන 0.3 ක් දක්වා අංශු හුස්ම සමග ඇතුල්වීම 95% කින් වලකාලයි. වාර්තා වන අන්දමට කොරෝනා වයිරසයේ විෂ්කම්භය මයික්‍රෝන 0.12 ක් වේ. මෙම මුඛ ආරවණය නිර්මාණය කර ඇත්තේ කෙනෙකුගේ මුහුණට තදින් ගැලපෙන ආකාරයටයි.

මුහුණු ආවරණ මගින්, ජල බිඳිති හරහා පැතිරෙන බොහෝ ශ්වසන ආසාදනවලින් ආරක්ෂා වීමට මෙම මුහුණු ආවරණ උපකාරී වේ. එමෙන්ම එයට කොරෝනා වයිරස් මෙන්ම උණද සම්ප්‍රේෂණය වීමේ ප්‍රවණතාව අඩුවේ. N95 මුඛ ආවරණයට අමතරව N99 වර්ගයේ මුඛ ආවරණ මගින් තවත් අංශු පෙරීම සිදු වුවද ඒවා හුස්ම ගැනීමට ඉතා අපහසු විය හැකිය.

කෙසේ වෙතත් නව කොරෝනා වෛරසය සම්බන්ධයෙන් කෙරෙන පරීක්ෂණ හමුවේ සෞඛ්‍ය බලධාරීන්ගේ නවතම උපදෙස් පිළිඹද අවධානයෙන් සිටීම වඩාත් යෝග්‍ය වේ.

Leave a Reply

Your email address will not be published.