LK reports news sinhala

ඉස්ලාම් ත්‍රස්තවාදයට එරෙහි සටනට අප්‍රිකා නායකයෝ මුදල් වෙන්කරති

ඉස්ලාමීය ත්‍රස්තවාදයට එරෙහිව සටන් වැදීම සඳහා අප්‍රිකානු නායකයින් මුදල් වෙන්කර ඇතැයි වාර්තා වේ. මේ පිළිබඳ අනාවරණය කරමින් විදෙස් මාධ්‍ය ප්‍රකාශ කරන්නේ ප්‍රචණ්ඩත්වයට සහ ත්‍රස්තවාදයට එරෙහි මෙහෙයුම්වල නිරත ඒකාබද්ධ හමුදා සහ බුද්ධි තොරතුරු රැස්කිරීම වෙනුවෙන් එම මුදල් යෙදවීමට නියමිත බවයි.

කලාපයේ  ඉස්ලාමීය ත්‍රස්තවාදයට එරෙහිව සටන් වැදීම සඳහා අමෙරිකානු ඩොලර් බිලියනයක මුදල් ප්‍රතිපාදන වෙන් කිරීමට බටහිර අප්‍රිකානු නායකයින් එකඟ වී ඇතැයි ද බටහිර අප්‍රිකානු රාජ්‍යයන්ගේ ආර්ථික ප්‍රජාව මේ බව පසුගියදා නිල වශයෙන් නිවේදනය කළ බවද විදෙස් මාධ්‍ය වාර්තා කරයි. ‍ඔවුන් වැඩිදුරටත් පවසන්නේ අප්‍රිකාවේ සහෙල් කලාපය ආශ්‍රිතව  අල් කයිඩා සහ ඉස්ලාමීය රාජ්‍යය හෙවත් අයි එස් අයි එස් සංවිධානවලට සම්බන්ධ කණ්ඩායම්වල ක්‍රියාකාරකම් දිනෙන් දිනම උත්සන්න වෙමින් පවතින බවයි. මේ හේතුවෙන් ඒ ආශ්‍රිත  මාලි , බුර්කිනා ෆාසෝ වැනි රාජ්‍යයන්ද ඇතුළුව විශාල භූමි ප්‍රමාණයක් පාලනය කළ නොහැකි තත්ත්වයකට පත්ව ඇති අතර වාර්ගික ප්‍රචණ්ඩත්වයද  උත්සන්න වී ඇත.

ඉස්ලාමීය ත්‍රස්තවාදයට පිටුදැකීම  මූලික පරමාර්ථය වූ මෙම විශේෂ සමුළුව පැවැත්වුණේ බුර්කිනා ෆාසෝ රාජ්‍යයේ අගනුවරයි. බටහිර අප්‍රිකානු රාජ්‍යයන්ගේ ආර්ථික ප්‍රජාව නියෝජනය කරමින් එහි සාමාජිකයින් 15 දෙනාත්  මොරිටේනියා සහ චැඩ් යන රාජ්‍යයන්වල ජනාධිපතිවරුත් සමුළුවට සහභාගි වී ඇත. ප්‍රචණ්ඩත්වය සහ ත්‍රස්තවාදය අප්‍රිකානු කලාපය වෙලාගෙන ඇති අතර ඒ හේතුවෙන් මිලියන තුනක පමණ පිරිසක් අවතැන් වී ඇතැයි ද වාර්තා වේ.

එමෙන්ම මේ වසරේදී අනාරක්ෂිත ආහාර භාවිතයට මුහුණ දෙන පුද්ගලයින්ගේ සංඛ්‍යාවද  60% කින් ඉහළ ගොස් ඇති බව අනාවරණය වු අතර එම සෑම සියලු අංශයක්ම ආවරණය සඳහා සමුළුවේදී අමෙරිකානු ඩොලර් බිලියනයක මුදල් ප්‍රතිපාදන වෙන් කෙරුණු අතර එම මුදල් ප්‍රචණ්ඩත්වයට සහ ත්‍රස්තවාදයට එරෙහි මෙහෙයුම්වල නිරත ඒකාබද්ධ හමුදා සහ බුද්ධි තොරතුරු රැස්කිරීම වෙනුවෙන් යෙදවීමට නියමිතය.

(Image – Al Masdar News)

Leave a Reply

Your email address will not be published. Required fields are marked *