රාජිතට, හකීම්ට හා කබීර්ට එරෙහිව පැමිණිලි

Share this Article

රවුෆ් හකීම්, කබිර් හෂීම් සහ රාජිත සේනාරත්න යන අමාත්‍යවරුන්ට එරෙහිව අද(14) පැමිණිලි කිහිපයක් ගොනු කෙරිණි.

පෞද්ගලික නාලිකා දෙකකට හොඳ පාඩමක් උගන්වන බව පවසමින් අමාත්‍ය රවුෆ් හකීම් ඊයේ සිදුකළ අනතුරු ඇඟවීම සම්බන්ධයෙන් සත්‍ය ගවේෂකයෝ සංවිධානය සහ සිංහලේ අපි සංවිධානය අද පොලිස් මූලස්ථානය වෙත පැමිණිල්ලක් සිදු කළ අතර සති අග ජාතික පුවත්පතක ජ්‍යෝතිෂ්‍ය අතිරේකයක් සඳහා එක් අපේක්ෂකයකුට අවාසි වන අයුරින් තම ලිපියක් අනුමැතියකින් තොරව යොදාගැනීම සම්බන්ධයෙන් අමාත්‍ය කබීර් හෂිම්ට විරුද්ධව ජෝතිර්වේදියකු ද පොලිස් මුලස්ථානය වෙත පැමිණිල්ලක් සිදු කළේය.

මේ අතර අමාත්‍ය රාජිත සේනාරත්නගේ මාධ්‍ය සාකච්ඡාවකට සහභාගී වූ සුදුවෑන් රථයක් පැදවූ බව කියන රියදුරා සම්බන්ධ තොරතුරු අපරාධ පරීක්ෂණ දෙපාර්තමේන්තුවට ලබාදීම පැහැර හැරීම සම්බන්ධයෙන් අමාත්‍යවරයාට එරෙහිව අද නීතිඥයින් පිරිසක් කොටුව මහේස්ත්‍රාත්වරයා ඉදිරියේ පැමිණිල්ලක් ගොනුකළේය.


Share this Article

Leave a Reply

Your email address will not be published.