20ට පක්ෂවූ විපක්ෂයේ 8 දෙනා ඉවතට, පාර්ලිමේන්තුවේ වෙනම අසුන් පනවන්නැයි ඉල්ලයි
විසිවැනි ව්‍යවස්ථා සංශෝධනයට විරුද්ධව ඡන්දය පාවිච්චි කිරීමට සමගි ජනබලවේගය තීරණය කළ මුත්, ඊට පටහැනිව පක්ෂව ඡන්දය ප‍්‍රකාශ කළ සිය මන්තී‍්‍රවරුන් අටදෙනා පක්‍ෂ කණ්ඩායමෙන් ඉවත් කිරීමට සමගි ජනබලවේගයේ කණ්ඩායම් නායක රැස්වීමේදී ඊයේ (23) තීරණය කර ඇත.
එමෙන්ම ඔවුන්ට එරෙහිව විනය පරීක්‍ෂණයක් සිදුකිරීම හා පාර්ලිමේන්තුව තුළ විපක්‍ෂ කණ්ඩායමෙන් ඉවත් කර වෙනම අසුන් පනවන ලෙසටද පාර්ලිමේන්තු මහලේකම්වරයාගෙන් ඉල්ලා සිටීමටද තීරණය කර තිබේ.
20 වැනි ව්‍යවස්ථාවට පක්ෂව ඩයනා ගමගේ, අරවින්ද කුමාර්, ඊෂාක් රහුමාන්, මොහොමඞ් නසීර් අහමඞ්, ෆයිසාල් කාසීම්, මොහොමඞ් හැරිස්, මොහොමඞ් තවුෆික් සහ මොහොමඞ් අලි සබ්රි යන සමගි ජනබලවේගය නියෝජනය කරන පාර්ලිමේන්තු මන්තී‍්‍රවරු පෙරේදා (22) පැවැති ඡන්ද විමසීමේදී 20 වැනි සංශෝධනයට පක්ෂව ඡන්දය පාවිච්චි කළහ.
