යුධ හමුදාව අද දින රටේ පවතින කොවිඩ් ගැටලුවට සාර්ථකව මූන දෙමින් සිටින අවදියක වුවද ඔවුන් දැඩිව ජාතික ආරක්ෂාව පිළිබද දැඩි අවදානයකින් සිටින බව යුධ හමුදාපති ශවේන්ද්‍ර සිල්වා පැවසීය.
පසුගියදා මෙලස පරන්තන් හීදී ක්ලේමෝ බෝම්බයක් සමග අත් අඩංගුවට ගත් අඹුසැමියුවල ගැන සදහන් කරමින් ඔහු පවසා සිටියේය එලෙසම අත්අඩංගුවට ගත් යුවළ පදිංචිව සිට ඇත්තේ අය්යකච්චි, පැනික්කච්චිහි පිහිටි ගෝපි හෙවත් කජිපන් පොන්නයියා සෙල්වනායගම්ගේ මවගේ නිවස ඉදිරිපිට නිවසකය.
2014 අප්‍රේල් 14 වැනිදා නෙඩුන්කර්නි කැලෑවේදී හමුදා ප්‍රහාරයකින් මියගිය LTTEයේ ගෝපි යන අයගේ සොහොයුරු ස්විට්සර්ලන්තයේ සිට ප්‍රහාරයක් සැලසුම් කර ඇති බව බුද්ධි අංශ මගින් හදුනාගෙන ඇත.
ඒ අනුව ක්‍රියාත්මක වූ හමදාව හා පොලීසිය මෙම මෙහෙයුම සිදුකර සැකකරුවන් අත්අඩංගුවට ගෙන ඇත.
“මේක අලුතින් හදපු ක්ලේමෝ බෝම්බයක් නෙමෙයි. මේක පරණ ඒ කාලේ හදපු ක්ලේමෝ එකක්. ඒ කාන්තාව සුළු කාලයකට හෝ ත්‍රස්තවාදීන් සමග සම්බන්ධවෙලා කටයුතු කරපු කෙනෙක්. LTTE සංවිධානයට යුදමය අතින් කරගන්න බැරිවෙච්ච දේ මතවාදී වශයෙන් තවදුරටත් ඉදිරියට රැගෙන යෑමට කටයුතු කරන අය විදෙස් රටවලත් ශ්‍රී ලංකාවේත් ඉන්නවා. මේ රටේ ත්‍රස්තවාදයට ඝෘජුවම සම්බන්ධවෙලා හිටපු අය 12,000ක් පමණ අපි පුනුරුත්තාපනය කරලා සමාජගත කරනු ලැබුවා. මේ වගේ අය හෝ ආර්ථික දුෂ්කරතාවලින් පෙළෙන අයට පිටරටවල ඉඳලා මුදල් එවලා මෙවැනි ක්‍රියාවන් සඳහා සම්බන්ධකර ගන්නවා. ඒ වගේ තත්ත්වයන් අපි දකිනවා. හමුදාව වෙන වෙන කටයුතු සඳහා අවදානය දෙමින් සිටින කාලවල තමයි මෙවැනි දේවල් කරන්න උත්සහ ගන්නේ. ඒ මොනවා කරත් මේ රටේ හමුදාව ඉතාමත් අවදානයෙන් ඉන්නෙ. යුද හමුදා බුද්ධි අංශය තමයි මේ සොයා ගැනීම කරනු ලැබුවේ. රටේ ජනතාව ආරක්ෂා කර ගැනීම සඳහා පවතින ඕනෑම තත්ත්වයක් යටතේ ත්‍රිවිධ හමුදාව සහ පොලිසිය ගතයුතු සියලුම ක්‍රියාමාර්ග ගනු ලබනවා.”
යුධ හමුදාපති ශ්වේන්ද්‍ර සිල්වා.
