කොරෝනා මරණයන්ට ආදාහනයද? භූමදානයද?

Share this Article

කොරොනා රෝගයෙන් මියයන මුස්ලිම් ජාතිකයන් ආදාහනය කිරීම වෙනුවට එම මෘතදේහ වියළි කලාපයේ විශේෂිත භූමියක භූමදාන කිරීමට අවසර දීමට සෞඛ්‍ය අංශ සලකා බලන බවට පරිසර අමාත්‍ය මහින්ද අමරවීර මහතා පවසයි.

මේ අනුව මේ පිළිබද සොයා බැළීමට විශේෂඥ කමිටුවක් පත්කරන ලදී ඔවුන් විසින් ලබා දුන් තීරණයට කැබිනට් මණ්ඩලයට විරුද්ධ නොවූ බව අමාත්‍යවරයා සඳහන් කළේය.
මේ සම්බන්ධව හිටපු සොඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා විසින් චක්‍රලේඛයක් නිකුත් කර තිබුණි. එහි සදහන්ව ඇත්තේ කොවිඩ් 19 විශේෂඥ කමිටුවේ අදහස් අනුව සියලුම දේහයන් අදාහනය කරන ලෙස‍ය.

තවද උක්ත කරුණ සම්බන්ධව අධිකරණ අමාත්‍ය අලී සබ්‍රි මහතා විසින් සෞඛ්‍ය අමාත්‍යවරියගෙන් ඉල්ලීමක් කරමින් ඉල්ලා සිටියේ රෝගයෙන් මියයන මුස්ලිම් ජාතිකයන්ගේ දේහය ආදාහනය නොකර භූමදාන කිරීමට අවස්ථාව සලසා දෙන ලෙසයි.
සෞඛ්‍ය අමාත්‍යාංශයේ මාධ්‍ය ප්‍රකාශක වෛද්‍ය ජයරුවන් බණ්ඩාර මහතා පවසා සිටියේ මෙලෙස කොවිඩ් රෝගය වැලදී මියයන් පුදගලයන්ගේ දේහයන් භූමදාන කිර්‍ර්ම සම්බන්ධයෙන් කිසිදු අවසන් තීරනයකට පැමිණ නැති බවයි.

නමුත් සිලෝන් තව්හීද් ජමාත් සංවිධානයේ ලේකම් අබ්දුල් රාසික් නැමැත්තාගේ අත්සනකින් නිකුත්වූ නිවේදනයක සදහන් වන්නේ “නව කොරෝනා වෛරස ආසාදනයෙන් මරණයට පත්වන මුස්ලිම් මෘත දේහ භූමදානය කිරීමට වත්මන් රජය අවසර ලබා දී ඇත.“ යනුවෙනි.

මේ පිලිබදව අදහස් දැක්වූ වෛද්‍ය ජයරුවන් බණ්ඩාර මහතා පවසා සිටියේ මේ තීරණය පදනම් කර ගත් කරුණු කාරණා පිළිබඳව තවම කිසිදු වෙනස්කමක් පිළිබඳව වාර්තා නොවන බවයි.

 


Share this Article

Leave a Reply

Your email address will not be published.