ශ්‍රී ලංකා සුනිත්‍ය බලශක්ති අධිකාරිය සහ ජාතික ආධුනිකත්ව හා කාර්මික පුහුණු කිරීම් අධිකාරිය එක්ව ක්‍රියාත්මක කරනු ලබන සූර්ය ප්‍රකාශ වෝල්ටීයතා පද්ධති (Solar PV Technology) කාර්මික ශිල්පී පුහුණු පාඨමාලාවේ NVQ – 04 මට්ටමේ පළමු කණ්ඩායමේ සිසුන් සිය පුහුණුව සාර්ථකව නිම කරනු ලැබිණ.
සූර්ය බල , සුලං හා ජලවිදුලි ජනන ව්‍යාපෘති සංවර්ධන රාජ්‍ය අමාත්‍ය දුමින්ද දිසානායක මහතාගේ උපදෙස් මත මෙම පුහුණුවට අදාළ ප්‍රායෝගික ක්‍රියාකාරකම් සහිත වැඩමුළුව ශ්‍රී ලංකා සුනිත්‍ය බලශක්ති අධිකාරියේ හම්බන්තොට ජාතික සූර්යබල උද්‍යානයේ දී පැවැත්විණ.
මෙරට තරුණ තරුණියන් හට හරිත රැකියා අවස්ථා උදාකර දීම හා ඊට අවශ්‍ය වෘත්තීය මාර්ගෝපදේශනය ලබා දීම මෙහි අරමුණයි.
