සමගි ජන බලවේගයේ විරෝධතාව: ස්ථාන කිහිපයකට ඇතුළුවීම වළක්වමින් නව අධිකරණ නියෝගයක්…
සමගි ජන බලවේගයේ මන්ත්‍රීවරුන් කිහිප දෙනෙකුට අද කොළඹ නගරයේ ස්ථාන කිහිපයකට ඇතුළුවීම වළක්වාලමින් කොටුව මහේස්ත්‍රාත්වරයා නියෝගයක් නිකුත් කර තිබෙනවා.
පොලිසිය පවසන පරිදි, අධිකරණ නියෝගයට අනුව, පදිකයින්ට හෝ වාහන ගමනාගමනයට බාධා වන පරිදි විරෝධතාවක් පැවැත්වීම SJB සංවිධානයට තහනම් වේ.
විරෝධතාව අතරතුර ජනාධිපති කාර්යාලයට, ජනාධිපති මන්දිරයට, මුදල් අමාත්‍යාංශයට හෝ ගාලුමුවදොර ප්‍රදේශයට ඇතුළුවීම SJB සංවිධානයට තහනම් කර ඇත.
කෙසේ වෙතත්, කුරුඳුවත්ත පොලිස් බල ප්‍රදේශය තුළ SJB ප්‍රමුඛ විරෝධතාවක් මාර්ග කිහිපයකට ඇතුළුවීම වළක්වාලමින් නියෝගයක් නිකුත් කරන ලෙසට පොලිසිය කළ ඉල්ලීමක් කොළඹ ප්‍රධාන මහේස්ත්‍රාත්වරයා අද පෙරවරුවේදී ප්‍රතික්ෂේප කළා.
පළාත් පාලන මැතිවරණය ප්‍රමාද කිරීමට රජය දරන උත්සාහයට විරෝධය පළ කරමින් විපක්ෂයේ සමගි ජන බලවේගය (SJB) පක්ෂය අද කොළඹදී විරෝධතාවක් සංවිධානය කර තිබේ.
