ශ්රී ලංකාවේ සහ චීනයේ පාර්ලිමේන්තු මන්ත්රීවරුන් 12 දෙනෙකු ජුනි 24 සිට 30 දක්වා චීනයේ ප්රදේශ කිහිපයක සංචාරයක නිරත වන බව ශ්රී ලංකාවේ චීන තානාපති කාර්යාලය ප්රකාශ කළේය.
ට්විටර් පණිවුඩයක් නිකුත් කරමින් චීන තානාපති කාර්යාලය සඳහන් කළේ මෙම මන්ත්රීවරුන් 12 දෙනා ශ්රී ලංකා – චීන පාර්ලිමේන්තු මිත්රත්ව සංගමයේ සාමාජිකයින් බවයි.
ඔවුන් චීන පාර්ශ්වයේ ආරාධනයකට අනුව ජුනි 24 සිට 30 දක්වා බීජිං, නින්ග්බෝ, ෂෙන්සෙන් සහ ගුවැන්ෂෝ වෙත සංචාරය කරනු ඇත.
“ආණ්ඩුවේ සහ විපක්ෂයේ මන්ත්රීවරුන් චීන ජාතික මහජන කොංග්රසයේ, විදේශ කටයුතු අමාත්යාංශයේ, චීන කොමියුනිස්ට් පක්ෂයේ ජාත්යන්තර දෙපාර්තමේන්තුවේ සහ නාගරික ආණ්ඩු නගරවල ජ්යෙෂ්ඨ නිලධාරීන් හමුවීමට සැලසුම් කර ඇත,” චීන තානාපති කාර්යාලය වැඩිදුරටත් සඳහන් කළේය.
දුම්රිය මාර්ග, වරාය, විදුලි වාහන, තොරතුරු හා සන්නිවේදන තාක්ෂණය ආදී ක්ෂේත්ර අධ්යයනයන් ද සිදු කෙරෙන බව චීන තානාපති කාර්යාලය වැඩිදුරටත් සඳහන් කළේය.