රාජ්‍ය අංශය ව්‍යාපාරික කටයුතුවල නියැලීම හේතුවෙන් පසුගිය දශක කිහිපය තුළ මහවැලියට සමාන ව්‍යාපෘති 100ක් ඉදිකිරීමට තිබූ මුදල් විනාශ වී ඇති බව ජනාධිපති රනිල් වික්‍රමසිංහ මහතා පැවසීය.
ඉදිරියේදී රාජ්‍ය අංශය ව්‍යාපාරවල නියැලීම නවතා නිදහස් හා නිෂ්පාදන ආර්ථිකයක් ඇති කිරීම සඳහා පුද්ගලික අංශයට විවෘත කරන බව ඔහු සඳහන් කළේය.
ජනාධිපති වික්‍රමසිංහ මහතා මේ බව සඳහන් කළේ ඊයේ (22) නිදහස් චතුරශ්‍රයේ පැවැති දිවංගත අග්‍රාමාත්‍ය ඩී.එස්.සේනානායක මහතාගේ 71 වැනි ගුණ සමරු උත්සවයට සහභාගි වෙමිනි.
ඩී.එස්.සේනානායක මහතාගේ දැක්ම නිදහස් ආර්ථිකයක් ඇති කිරීම බව සිහිපත් කළ ජනාධිපතිතුමා ව්‍යාපාර කළ යුත්තේ පෞද්ගලික අංශයෙන් බවත් ඔවුන්ගෙන් ලැබෙන බදු ආදායමෙන් රට සංවර්ධනය කළ හැකි බවත් පැවසීය.
කෙසේ වෙතත් 1956 ජනසතු කිරීම හේතුවෙන් රජය ව්‍යාපාරික කටයුතුවල නිරත වීම ආරම්භ කළ බවත් එම බදු ආදායම රටේ සංවර්ධනයට ප්‍රමාණවත් නොවූ බවත් ජනාධිපතිවරයා පෙන්වා දුන්නේය.
ඩී.එස්.සේනානායක මහතාගේ දැක්මෙන් රට ඈත්වී ඇති බවත්, නමුත් එතුමාගේ දැක්ම අනුව අද සිංගප්පූරුව දියුණු රටක් බවට පත්ව ඇති බවත්, අපේ දේශපාලකයන් ශ්‍රී ලංකාව සිංගප්පූරුවක් කිරීමට සිහින මැව්වත්, පසුගිය කාලයේ ශ්‍රී ලංකාවට සිදුවූ විනාශය බවත් ඔහු සඳහන් කළේය. ඇතැම් දේශපාලන ව්‍යාපාරවල තීන්දු තීරණ නිසා වසර 75ක් ගෙවී ගිය කාලය අතිමහත්ය.
එබැවින් ශක්තිමත් සහ බලසම්පන්න ශ්‍රී ලංකාවක් ගොඩනැගීම සඳහා සේනානායක මහතාගේ උරුමය ඉදිරියට ගෙන යා යුතු බවද ජනාධිපතිවරයා වැඩිදුරටත් සඳහන් කළේය.
