පාකිස්තාන පොලිසිය ඉම්රාන් ඛාන්ට එරෙහිව ත්‍රස්ත චෝදනා ගොනු කරයි.
පාකිස්තාන පොලිසිය ඉරිදා හිටපු අගමැති ඉම්රාන් ඛාන්, ඔහුගේ සහායකයින් 17 දෙනෙකු සහ ආධාරකරුවන් දුසිම් ගනනකට ත්‍රස්තවාදය සහ වෙනත් වැරදි සම්බන්ධයෙන් චෝදනා එල්ල කර ඇති බව AP පුවත් සේවය වාර්තා කරයි.
මෙය සිදුව ඇත්තේ, හිටපු පකිස්ථාන අග්‍රාමාත්‍යවරයා අල්ලස් නඩුවට පෙනී සිටීමට නියමිතව සිටි උසාවිය ඉදිරිපිටදී ඉම්රාන් ඛාන්ගේ නායකත්වයෙන් යුත් පකිස්ථාන ටෙහ්රීක්-ඊ-ඉන්සාෆ් (පීටීඅයි) කම්කරුවන් පොලීසිය සමඟ ගැටුමක් ඇතිකර ගැනීමෙන් පසුවය. ඛාන් ආධාරකරුවන් පොලිස් නිලධාරීන් වෙත ගිනි බෝම්බ සහ ගල් ප්‍රහාර එල්ල කරන විට කැරලි මර්දන පොලිසිය බැටන් පොලු සහ කඳුළු ගෑස් භාවිතා කළේය.
මීට පෙර, ඛාන් ආධාරකරුවන්ගෙන් ඉල්ලා සිටියේ ‘පිටතට පැමිණ’ රජය වැරදි බව ඔප්පු කරන ලෙසයි. ඛාන් කියා සිටියේ තමන් අත්අඩංගුවට ගතහොත් රටම නින්දට වැටෙනු ඇතැයි රජය සිතමින් සිටින බවයි. “පිටට එන්න, ඒවා වැරදි බව ඔප්පු කරන්න,” ඔහු වීඩියෝ පණිවිඩයකින් පැවසීය.
පොලිස් නිලධාරීන් 50කට ආසන්න පිරිසක් තුවාල ලැබූ අතර, පොලිස් මුරපොලක් මෙන්ම මෝටර් රථ සහ යතුරුපැදි රාශියකට ගිනි තබා ඇත. පොලිසියට අනුව ඛාන්ගේ අනුගාමිකයින් 59 දෙනෙකු අත්අඩංගුවට ගෙන ඇත.
රජයේ සිටියදී ලැබුණු නිල ත්‍යාග විකිණීම සහ වත්කම් සැඟවීම යන චෝදනාවලට මුහුණ දීමට ඛාන් කිසි විටෙකත් උසාවියට පැමිණ නැත.
පාකිස්තානයේ දිනපතා ඩෝන් පුවත්පතට අනුව, ටොෂකානා සඳහනට සම්බන්ධ නඩුවලට උසාවියට නොපැමිණීම සහ කාන්තා අතිරේක දිස්ත්‍රික් හා සැසි විනිසුරුවරියකට තර්ජනය කිරීම හේතුවෙන් ඉම්රාන් ඛාන්ට එරෙහිව ඇප දිය නොහැකි අත්අඩංගුවට ගැනීමේ වරෙන්තු දෙකක් සඳුදා නිකුත් කරන ලදී.
ඉස්ලාමාබාද් දිස්ත්‍රික් සහ සැසිවාර අධිකරණයක් ඛාන්ට එරෙහිව අත්අඩංගුවට ගැනීමේ වරෙන්තු නිකුත් කළේ ඔහු ටෝෂාකානා නඩුවේ විභාග කිරීම් මඟ හැරීමෙන් පසුවය. ඔහු මාර්තු 18 වැනිදාට පෙර අධිකරණයට ඉදිරිපත් කරන ලෙසද අධිකරණය පොලිසියට නියෝග කළේය.
