කටාන, හල්පේ ප්රදේශයේ ආයෝජන මණ්ඩලයේ ලියාපදිංචි ඇඟලුම් කම්හලක කළමනාකාර අධ්යක්ෂවරයා මාර්තු මාසයේදී නාඳුනන පිරිසක් විසින් පහරදීම හේතුවෙන් එම කර්මාන්ත ශාලාව වසා දමා ශ්රී ලංකාව හැර යාමට තීරණය කර තිබේ.
පස් දෙනෙකුගෙන් යුත් කණ්ඩායමක් කම්හල් පරිශ්රයට අනවසරයෙන් ඇතුළු වී රාජකාරියේ යෙදී සිටි ආරක්ෂක නිලධාරියාට මුලින් පහර දී ඇති අතර පසුව ඔවුන් ඕමාන ජාතිකයෙකු වන ඇපරල් කම්හල් කළමනාකාර අධ්යක්ෂවරයාට කර්මාන්තශාලා පරිශ්රයේ පිහිටි නිවසේදී පහර දී ඇත.
ගම්පහ දිස්ති්රක්කයේ දේශපාලන ප්රධානියෙකුගේ සහාය ලබන බව කියන කල්ලියක් මෙම පහරදීම සිදුකර ඇති බවයි වාර්තා වුණේ.
ඕමාන ව්යාපාරිකයා ශ්රී ලංකාවේ නිරීක්ෂණ චාරිකාවක නිරතව සිට ඇත. සුප්රසිද්ධ ඕමාන් ඇඟලුම් ජාලයක සහෝදර සමාගමක් වන ඔහුගේ ඇඟලුම් කම්හලේ ශ්රී ලාංකිකයන් 300 කට අධික පිරිසක් සේවය කරති.
සිලෝන් ටුඩේ වෙත වාර්තා වන පරිදි මෙම සිද්ධිය සම්බන්ධයෙන් ඕමාන් ව්යාපාරිකයා සිය අප්රසාදය පළ කර ඇත.
පහරදීම සම්බන්ධයෙන් මෙතෙක් සාධාරණ පරීක්ෂණයක් පැවැත්වීමට ශ්රී ලංකා රජය අපොහොසත් වී ඇති බවට ද ඔහු චෝදනා කර තිබේ.
මේ හේතුවෙන් කර්මාන්ත ශාලාව වසා දමා ශ්රී ලංකාව හැර යාම හැර වෙනත් විකල්පයක් නොමැති බව ඕමාන ජාතිකයා වැඩිදුරටත් පැවසීය.