නීතිවිරෝධී ලෙස ශ්රී ලංකාවට ආනයනය කර ඇති රුපියල් කෝටි 5කට ආසන්න වටිනාකමකින් යුත් රූපලාවන්ය භාණ්ඩ තොගයක භාණ්ඩ වෙන්දේසි කිරීමට රජය සලකා බලමින් සිටින බව මුදල් රාජ්ය අමාත්ය රංජිත් සියඹලාපිටිය මහතා පවසයි.
මාධ්ය වෙත අදහස් දක්වමින් රාජ්ය අමාත්යවරයා කියා සිටියේ නීතිවිරෝධී ලෙස ආනයනය කළ රූපලාවන්ය ද්රව්ය කන්ටේනර් 4කට ආසන්න ප්රමාණයක් ශ්රී ලංකා රේගුව භාරයට ගෙන ඇති බවයි.
“මෙම කන්ටේනර් එක්සත් රාජධානිය, ඉන්දියාව, පකිස්ථානය, චීනය, සිංගප්පූරුව සහ ඩුබායි යන රටවලින් ආනයනය කර ඇත. අපි නිෂ්පාදන විනාශ කිරීමට බලා සිටියෙමු, නමුත් හොඳ තත්ත්වයේ සමහර නිෂ්පාදන ඇති බව දන්වා සිටියා, ”ඔහු පැවසීය.
එබැවින් එම භාණ්ඩ පරීක්ෂා කර ශ්රී ලංකාවේ නියමිත ප්රමිතියෙන් යුත් ඒවා දේශීය වෙළඳපොළට වෙන්දේසි කරන බව රාජ්ය අමාත්ය රංජිත් සියඹලාපිටිය වැඩිදුරටත් ප්රකාශ කළේය.
වීඩියෝ සබැඳිය: https://www.facebook.com/watch/?v=2533098170193077&extid=CL-UNK-UNK-UNK-AN_GK0T-GK1C&mibextid=2Rb1fB&ref=sharing