දිවුලපිටියෙන් කොවිඩ් ආසාධිත කාන්තාවක් වාර්තා වේ
දිවුලපිටියේ ප්‍රදේශයේ පදිංචි 39 හැවිරිදි කාන්තාවකට නව කොරෝනා වෛරසය ආසාදනය වී ඇති බවත් ඇය මේ වන විට කොළඹ IDH රෝහලට ඇතුලත් කර ඇති බවත් රජයේ ප්‍රවෘත්ති දෙපාර්තමේන්තුව සඳහන් කර සිටිනවා.
උණ රෝගී තත්ත්වය හේතුවෙන් ගම්පහ රෝහලට ඇතුලත් කර සිටි මෙම කාන්තාව රෝගී තත්වය සුවවී නිවසට යවන අවස්ථාවේදී සිදුකළ PCR පරික්ෂනයකදී ඇයට කොවිඩ් 19 ආසාදිතයෙක් බවට හඳුනා ගෙන තිබේ.
මේ වනවිට ගම්පහ රෝහලේ කාර්ය මණ්ඩලයේ 15 දෙනෙකුත්, එම කාන්තාව සේවය කළ පෞද්ගලික ආයතනයේ කාර්ය මණ්ඩලයේ සාමාජිකයින් 40 දෙනෙකු පමණත් නිවාස නිරෝධායනයට ලක් කර ඇති අතර තවදුරටත් ආශ්‍රීතයින් පිළිඹද විමර්ශනය කරමින් පවතී. එම කාන්තාවට කොවිඩ් 19 ආසාදනයවූ ආකාරය සම්බන්ධයෙන්ද පරීක්ෂණ සිදුකරමින් පවතී.
මෙම තත්වය මත මහජනතාවට නිසි සෞඛ්‍ය උපදෙස් අනුගමනය කරමින් අවධානයෙන් පසුවන ලෙස රජයේ ප්‍රවෘත්ති දෙපාර්තමේන්තුව දැනුම් දී සිටියි.
