ඩොලර් මිලියන 2.5ක සයිබර් වංචාව පිළිබඳ විවාදයක්
ඕස්ට්‍රේලියාවට ඇමෙරිකානු ඩොලර් මිලියන 2.5ක ණය ගෙවීමක් සම්බන්ධයෙන් සයිබර් අපරාධයක් හරහා සිදුවූ බව කියන වංචාව පිළිබඳ රාජ්‍ය මුදල් පිළිබඳ කාරක සභාවේ වාර්තාව සම්බන්ධයෙන් විපක්ෂය විසින් ඉදිරිපත් කරන ලද කල් තැබීමේ විවාදයක් පාර්ලිමේන්තුවේදී පැවැත්වීමට නියමිත බව පාර්ලිමේන්තු සන්නිවේදන දෙපාර්තමේන්තුව සඳහන් කළේය.
කථානායක ආචාර්ය ජගත් වික්‍රමරත්න මහතාගේ ප්‍රධානත්වයෙන් පැවති පාර්ලිමේන්තු කටයුතු පිළිබඳ කාරක සභා රැස්වීමකදී ගත් තීරණයකට අනුව, පාර්ලිමේන්තුව අගෝස්තු 4 සිට 7 දක්වා රැස්වීමට නියමිතය.
අගෝස්තු 4 වන දින අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයට අදාළ පරිපූරක ඇස්තමේන්තුව සහ විගණකාධිපතිවරයාගේ වැටුප තීරණය කිරීම පිළිබඳ යෝජනාව විවාදයට ගෙන අනුමත කිරීමට නියමිතව තිබේ.
ඕස්ට්‍රේලියාවට ගෙවීමට නියමිත ඇමෙරිකානු ඩොලර් මිලියන 2.5ක ණය මුදල සම්බන්ධයෙන් සයිබර් අපරාධයක් හරහා සිදුවූ බව කියන වංචාව පිළිබඳ රාජ්‍ය මුදල් පිළිබඳ කාරක සභාව සිය වාර්තාව දැනටමත් පාර්ලිමේන්තුවට ඉදිරිපත් කර ඇත.
