හිටපු අමාත්ය ජොන්ස්ටන් ප්රනාන්දු ඇතුළු විත්තිකරුවන් තුන්දෙනෙකුට එරෙහිව අල්ලස් කොමිසම විසින් ගොනුකර තිබෙන නඩුවක් විභාග කිරීම සඳහා කොළඹ මහාධිකරණය අද (20) දින නියම කළේය.
නඩුව අද (20) කොළඹ මහාධිකරණ විනිසුරු නවරත්න මාරසිංහ මහතා ඉදිරියේ කැඳවනු ලැබු අතර ඒ අනුව පූර්ව නඩු විභාග සම්මන්ත්රණය අවසන් කළ මහාධිකරණ විනිසුරු වරයා නඩු විභාගය නොවැම්බර් මස 24 වන දා පැවැත්වීමට ද දින නියම කළේය.
වෙළෙඳ අමාත්යවරයා වශයෙන් කටයුතු කළ අවධියේ සතොස ආයතනයේ සේවකයින් ඔවුන්ගේ නිල රාජකාරිවලින් ඉවත් කර දේශපාලන කටයුතුවල යෙදවීම තුළින් රජයට පාඩුවක් සිදුකළේ යැයි චෝදනා කොට අල්ලස් කොමිසම විසින් හිටපු වෙෙළඳ අමාත්ය ජොන්ස්ටන් ප්රනාන්දු සතොස ආයතනයේ හිටපු සභාපති එරාජ් ප්රනාන්දු සහ හිටපු අධ්යක්ෂවරයෙකු වන මොහොමඩ් සාකීර් යන අයට එරෙහිව අල්ලස් කොමිසම විසින් මෙම නඩුව ගොනුකර තිබේ.