කොවිඩ් මඩින දේශිය ඖෂධය සෞඛ්‍ය අමාත්‍යවරියට
කෑගල්ලේ පදිංචි දේශීය වෛද්‍යවරයෙකු වන ධම්මික බණ්ඩාර වෙද මහතා විසින් සොයා ගෙන ඇති කොරෝනා වෛරසයට එරෙහි ඖෂධය අද සෞඛ්‍ය අමාත්‍ය පවිත්‍රා වන්නිආරච්චි මහත්මියට ලබාදී තිබේ.
එම ඖෂධය පානය කිරීමෙන් අනතුරුව ඊට අදාළ විශේෂ සාකච්ඡාවක්ද කැදවීමට සෞඛ්‍ය ඇමතිවරිය කටයුතු කර තිබුණු අතර, එම අවස්ථාවට දේශීය වෙදකම් ප්‍රවර්ධනය පිළිබඳ රාජ්‍ය අමාත්‍ය සිසිර ජයකොඩි මහතා ඇතුලු සෞඛ්‍ය අමාත්‍යංශ බලධාරීන් සහභාගී විය.
සෞඛ්‍ය ඇමතිවරිය මෙම සාකච්ඡාවේදී අවධාරණය කර ඇත්තේ මෙම ඖෂධය පිළිබඳ ජනාධිපතිවරයාගේ විශේෂ අවධානයක් යොමු වී ඇති බවත්, ඒ අනුව ඖෂධය පිළිබඳ පර්යේෂණ රාජ්‍ය මට්ටමින් පැවැත්වීමට ද සැලසුම් කර ඇති බවත්ය. සෞඛ්‍ය ඇමතිවරිය වැඩිදුරටත් පෙන්වාදී ඇත්තේ අදාළ ඖෂධය ලොව පුරා බෙදා හැරිමට නම් ඒ පිළිබඳ විද්‍යානුකූලව පර්යේෂණ සිදුකළ යුතු බවයි.
