ඉදිරි පැය 48 තුළ කැලණි ගඟ නිම්නයේ පහත්බිම් ප්රදේශවල සුළු ගංවතුර තත්ත්වයක් ඇතිවිය හැකි බව වාරිමාර්ග දෙපාර්තමේන්තුව අනතුරු අඟවා තිබේ.
දෙපාර්තමේන්තුව සඳහන් කළේ, දෙහිඕවිට, රුවන්වැල්ල සහ සීතාවක ප්රාදේශීය ලේකම් කොට්ඨාසවලට අයත් කැලණි ගඟ ආශ්රිත පහත්බිම් ප්රදේශවල මෙම සුළු ගංවතුර තත්ත්වය ඇතිවීමේ අවදානමක් පවතින බවයි.
කැලණි ගඟේ ඉහළ සහ මධ්යම ජල පෝෂක ප්රදේශවල මේ වන විට සැලකිය යුතු හා අධික තීව්රතාවයකින් යුත් වර්ෂාපතනයක් වාර්තා වී ඇති බවද දෙපාර්තමේන්තුව සඳහන් කළේය.
පවතින කාලගුණ අනාවැකි අනුව ඉදිරියේදීද අධික වර්ෂාපතනයක් ඇතිවිය හැකි අතර, එමගින් ගඟේ ජල මට්ටම හදිසියේ ඉහළ යා හැකි බැවින් අදාළ ප්රදේශවල පදිංචිකරුවන්, ගඟ භාවිතා කරන්නන් සහ එම ප්රදේශ හරහා ගමන් කරන රියදුරන් දැඩි අවධානයෙන් කටයුතු කරන ලෙස වාරිමාර්ග දෙපාර්තමේන්තුව ඉල්ලා සිටී.
