ඉන්ධන මිල අඩු කිරීම සම්බන්ධව ඇමති තොරතුරු ලබා දෙයි.
අප්‍රේල් මාසයේ ඉන්ධන මිල සංශෝධනය හරහා මහජනතාවට සහන සලසන බව විදුලිබල හා බලශක්ති අමාත්‍ය කාංචන විජේසේකර මහතා පවසයි.
මිනුවන්ගොඩ ප්‍රදේශයේ පැවති ජනහමුවක් අමතමින් අමාත්‍යවරයා කියා සිටියේ අමෙරිකානු ඩොලරයට සාපේක්ෂව රුපියලේ අගය ශක්තිමත් වීමේ වාසිය සාමාන්‍ය ජනතාවට හිමිවන බවයි.
යතුරුපැදි සඳහා සතියකට ලීටර් 5ක් වූ ඉන්ධන කෝටාව දිනකට ලීටර් 5 දක්වා වැඩි කරන ලෙස පළාත් පාලන මැතිවරණයට ඉදිරිපත් වන අපේක්ෂකයින් විසින් ඉල්ලීමක් ඉදිරිපත් කර ඇති බවද අමාත්‍යවරයා වැඩිදුරටත් පවසා තිබේ.
කෙසේ වෙතත්, අපේක්ෂකයින් 80,000කට අවශ්‍ය ඉන්ධන ආනයනය කිරීමට අවශ්‍ය මුදල් සම්පාදනය කිරීමට මාස 6ක කාලයක් ගත වන බවත්, ඒ බව මැතිවරණ කොමිසමට ද දන්වා ඇති බවත් ඔහු සඳහන් කළේය.
ඉන්ධන සහ විදුලි ගාස්තු අඩු කිරීමට නම් මෙම ආයතන ප්‍රතිව්‍යුහගත කිරීම අවශ්‍ය බව අමාත්‍යවරයා වැඩිදුරටත් සඳහන් කළේය.
