ලංකා කම්කරු කොංග්‍රසය (සීඩබ්ලිව්සී) ඉදිරි පළාත් පාලන මැතිවරණයේදී කුරුල්ලා ලකුණින් ස්වාධීනව තරග කිරීමට තීරණය කර තිබේ.
එම පක්‍ෂයේ ජ්‍යෙෂ්ඨ උප සභාපති කනපති කනගරාජා මාධ්‍ය වෙත කියා සිටියේ ලංකා කම්කරු කොංග්‍රසයේ ප්‍රධාන ලේකම්, පාර්ලිමේන්තු මන්ත්‍රී ජීවන් තොණ්ඩමන් මහතාගේ ප්‍රධානත්වයෙන් ජ්‍යෙෂ්ඨ නායකයින් සහ පළාත් පාලන මැතිවරණයට ඉදිරිපත්ව සිටින අපේක්‍ෂකයින් සහභාගි වූ රැස්වීමකදී මෙම තීරණය ගත් බවයි.
ලංකා කම්කරු කොංග්‍රසය එතැන් සිට අඛණ්ඩව පැවැති සෑම මැතිවරණයකටම තරග කළේ සන්ධානයක සංඝටක පක්ෂයක් ලෙස බවත් දේශපාලන ක්ෂේත්‍රයේ එහි තත්ත්වය තීරණය කළ හැක්කේ පළාත් පාලන මැතිවරණයට පක්ෂ ලකුණින් තරග කිරීමෙන් බවත් ඔහු පෙන්වා දුන්නේය.
ලංකා කම්කරු කොංග්‍රසය පක්ෂ ලකුණින් ස්වාධීනව තරග කළ විට අනෙකුත් දේශපාලන පක්‍ෂවලින් ලබාගත් ඡන්ද ප්‍රතිශතය යම් ප්‍රමාණයකට අඩුවනු ඇතැයිද ඔහු වැඩිදුරටත් පැවසීය.
ජනතාව මුහුණ දී සිටින ආර්ථික බාධාව හමුවේ සන්ධානයක සංඝටක පක්ෂයක් ලෙස තරග කිරීම ලංකා කම්කරු කොංග්‍රසයට අවාසිදායක බව ඔහුගේ අදහස විය.
