ක්රීඩා අමාත්ය සුනිල් කුමාර ගමගේ මහතා අගෝස්තු 28 වැනිදා දෙහිවල කවුඩාන පාර ක්රීඩාංගණයේ සිදුකෙරෙමින් පවතින සංවර්ධන කටයුතු නිරීක්ෂණය කළේය.
ප්රදේශයේ තරුණයන් සහ ජනතාව සඳහා වැඩිදියුණු කළ ක්රීඩා හා ශාරීරික යෝග්යතා පහසුකම් සැලසීමේ අරමුණින් ක්රියාත්මක වන මෙම ව්යාපෘතියේ ප්රගතිය සොයා බැලීම මෙම සංචාරයේ අරමුණ වී තිබේ.
නිරීක්ෂණය අතරතුර අමාත්යවරයා ක්රීඩාංගණයේ වත්මන් තත්ත්වය පිළිබඳ සොයා බැලූ අතර, ඉතිරිව ඇති කටයුතු සහ ඉදිරි සංවර්ධන සැලසුම් සම්බන්ධයෙන් නිලධාරීන් සමඟ සාකච්ඡා කළේය.
ග්රාමීය සහ නාගරික ප්රදේශවල ක්රීඩාංගණ පූර්ණ වශයෙන් සංවර්ධනය කිරීමේ රජයේ ජාතික වැඩසටහන යටතේ ක්රීඩාංගණයේ පවතින අඩුපාඩු කඩිනමින් සකස් කර එය මහජනතාවගේ භාවිතය සඳහා විවෘත කරන බව අමාත්ය ගමගේ මහතා පැවසීය.
පාර්ලිමේන්තු මන්ත්රී සමන්මලී ගුණසිංහ මහත්මිය, දෙහිවල-ගල්කිස්ස මහ නගර සභාවේ නගරාධිපතිවරයා, නාගරික මන්ත්රීවරුන්, ප්රාදේශීය නියෝජිතයන් සහ අමාත්යාංශ නිලධාරීන් ඇතුළු පිරිසක්ද මෙම නිරීක්ෂණයට එක්ව සිටියහ.
