‘දකුණේ සිංහලයන් පරද්දන්න සජිත් දිනවන්න’ – සුමන්තිරන් කියයි

එළැඹෙන ජනාධිපතිවරණයේ දී ගෝඨාභය ව්‍යසනය නවතා දැමීමට දෙමළ ජනතාව සියලු දෙනා එක්විය යුතු බව දෙමළ ජාතික සන්ධාන පාර්ලිමේන්තු මන්ත්‍රී එම්. ඒ. සුමන්තිරන් පවසයි.

සජිත් ප්‍රේමදාසට සහයෝගය පළ කිරීම පිණිස මුලතිව්, මාන්කුලම ප්‍රාදේශයේ පැවැති රැස්වීමකදී සුමන්තිරන් එලෙස පැවසීය.

එහි දී මන්ත්‍රීවරයා වැඩිදුරටත් කියා සිටියේ ගෝඨාභය රාජපක්ෂ ඇතුළු රාජපක්ෂ පවුල් පාලනය නමැති ව්‍යසනය නැවත වතාවක් පැමිණීමට නොදී අදාළ ව්‍යසනය නවතා දැමීමට දෙමළ ජනතාව එක්ව කටයුතු කළ යුතු බවයි.

“ගෝඨාභය රාජපක්ෂ දිනවීමේ දකුණේ සිංහල ජනතාවගේ හා සිංහල නායකයන්ගේ ජයග්‍රහණය නැවැත්වීම වෙනුවෙන් දෙමළ ජනතාව එක්ව කටයුතු කළ යුතුයි. ඒ වෙනුවෙන් මෙවර ජනාධිපතිවරණයේ දී සජිත් ප්‍රේමදාසට ඡන්දය ලබාදීමට උතුරු නැගෙනහිර දෙමළ ජනතාව එක්විය යුතුව තිබෙනවා.

2005 වසරේ සිට පැවැති රාජපක්ෂ පාලනය යටතේ දෙමළ ජනතාව වෙනුවෙන් සිදු වූ කිසිදු යහපතක් නැහැ. දෙමළ ජනතාව ගැටලු රැසක පැටලවීමට රාජපක්ෂ පාලනය කටයුතු කළා.

දෙමළ ජනතාවගේ ගැටලු වෙනුවෙන් විසඳුම් ලබාගත හැකි එකම පුද්ගලයා සජිත් ප්‍රේමදාසයි. එහෙයින් සජිත් ප්‍රේමදාස ජනාධිපති ලෙසට පත් කළ යුතුයි.

මහින්ද රාජපක්ෂ පාලනය අවසන් කළ දෙමළ ජනතාව මෙවර ගෝඨාභය රාජපක්ෂ එළවා දැමීමට කටයුතු කළ යුතුයි.” යනුවෙන්ද ඔහු එහිදී කියා සිටියේය.

1 Comment

  1. Mu balauko yako meka ape sinhala rata

Leave a Reply

Your email address will not be published.