තමන්ට අයත් නිවසක කාමරයක කපිල මස්සිනා මියයාම ගැන අරවින්දගෙන් ප්‍රකාශයක්
ශ්‍රී ලංකන් ගුවන් සමාගමේ හිටපු ප්‍රධාන විධායක නිලධාරී කපිල චන්ද්‍රසේන මහතා කොල්ලුපිටිය ප්‍රදේශයේ පිහිටි ප්‍රකට ක්‍රිකට් ක්‍රීඩක අරවින්ද ද සිල්වා මහතාට අයත් නිවසකදී සැකකටයුතු ලෙස මියගොස් සිටියදී සොයාගැනීමත් සමඟ ඒ පිළිබඳ විමර්ශන කටයුතු මේ වන විට පුළුල් කර තිබේ. මියගිය පුද්ගලයා අරවින්ද ද සිල්වා මහතාගේ සමීපතම ඥාතියෙකු බව අනාවරණය වී ඇති අතර, මේ හේතුවෙන් අදාළ නිවසේ හිමිකරු වන අරවින්ද ද සිල්වා මහතාගෙන්, ඔහුගේ බිරිඳගෙන් සහ එහි සේවකයින්ගෙන් කොළඹ අපරාධ කොට්ඨාසය විසින් දීර්ඝ ලෙස ප්‍රශ්න කර ප්‍රකාශ සටහන් කරගෙන ඇත.
කොටුව මහේස්ත්‍රාත්වරයාගේ නියෝගයක් අනුව මෙම මරණය සම්බන්ධයෙන් විධිමත් පරීක්ෂණයක් පැවැත්වීම සඳහා පංච පුද්ගල විශේෂඥ වෛද්‍ය කමිටුවක් පත් කර ඇති අතර ඔවුන් සිය විමර්ශන කටයුතු අද දිනයේ ආරම්භ කරන ලදී. මරණයට නිශ්චිත හේතුව තහවුරු කරගැනීම සඳහා සිරුරේ කොටස් වැඩිදුර පරීක්ෂණ සඳහා රජයේ රස පරීක්ෂක වෙත යොමු කිරීමට ද පියවර ගෙන ඇති අතර, මෙය ගෙල වැළලාගෙන සිදුකරගත් මරණයක් බවට මුලින් සැක කළ ද පවතින පසුබිම මත පොලිස්පතිවරයා විසින් පරීක්ෂණ කටයුතු කොළඹ අපරාධ කොට්ඨාසය වෙත පවරා තිබේ. ඉදිරි දින කිහිපය තුළ ලැබීමට නියමිත පශ්චාත් මරණ පරීක්ෂණ වාර්තාව සහ රස පරීක්ෂක වාර්තාව මගින් මෙම අබිරහස් මරණයේ සැබෑ තොරතුරු අනාවරණය කරගත හැකි වනු ඇතැයි පොලිසිය විශ්වාසය පළ කරයි.
ලෝකප්‍රකට එයාර්බස් ගනුදෙනුවේදී ඇමෙරිකානු ඩොලර් මිලියන දෙකක අල්ලසක් ලබාගැනීමේ චෝදනාවකට මැදිව සිටි කපිල චන්ද්‍රසේන මහතා, අධිකරණය නොමඟ යවමින් ව්‍යාජ ඇපකරුවන් ඉදිරිපත් කිරීමේ චෝදනාවට අදාළ වරෙන්තුවක් මත අධිකරණයට ඉදිරිපත් කිරීමට නියමිතව තිබූ දිනදීම මෙම මරණය සිදුවීම විශේෂත්වයකි. මෙවැනි තීරණාත්මක හා නීතිමය වශයෙන් සංකීර්ණ මොහොතක ප්‍රවීණ ක්‍රිකට් ක්‍රීඩකයෙකුගේ නිවස තුළදී මෙම මරණය සිදුවීම සමාජය තුළ දැඩි කතාබහක් සහ සැකයක් මතු කිරීමට හේතු වී ඇති අතර, මෙම සිදුවීම පිටුපස කිසියම් අදිසි බලපෑමක් හෝ සංවිධානාත්මක කුමන්ත්‍රණයක් පවතින්නේ ද යන්න පිළිබඳව විමර්ශන නිලධාරීන් මේ වන විට දැඩි අවධානයක් යොමු කර
