ජනරාල් හරිගුප්තා රෝහණදීර ජනාධිපති නීති අධ්‍යක්ෂ ලෙස පත් කෙරේ

Share this Article

ජ්‍යෙෂ්ඨ නීතිඥ හරිගුප්තා රෝහණදීර මහතා ජනාධිපති නීති අධ්‍යක්ෂ ජනරාල්වරයා ලෙස ජනාධිපති ගෝඨාභය රාජපක්ෂ මහතා විසින් පත් කරනු ලැබ තිබේ.

සිවිල් අපරාධ නඩු සම්බන්ධ ප‍්‍රවීණ නිතිඥයෙකු වූ හරිගුප්තා රෝහණදීර මහතා කොළඹ ආනන්ද විද්‍යාලයේ ආදි ශිෂ්‍යයෙකි. කොළඹ විශ්වවිද්‍යාලයේ නීති පිඨයෙන් නීතිය පිළිබද විශිෂ්ට සමාර්ථය සහිත උපාධිය හිමි කර ගත් ඒ මහතා පරිපාලකයෙකු, සිවිල් සංවිධාන කි‍්‍රයාකාරිකයෙකු, අපරාධ යුක්ති නීතිය පිළිබදව දේශකයෙකු ලෙස ද ප‍්‍රකටය.

ඒ මහතා යුද්ධය පැවති කාලයේ ආරක්ෂක අමාත්‍යාංශයේ ප‍්‍රධාන නීති උපදේශකවරයා ලෙසත්, ඉඩම් ප‍්‍රතිසංස්කරණ කොමිෂන් සභාවේ ප‍්‍රධාන විධායක නිලධාරියා ලෙසත්, රණවිරු සේවා අධිකාරියේ දිර්ඝ කාලයක් නීති උපදේශකවරයා ලෙසත් සේවය කර තිබේ.

එමෙන්ම ජාතික මලල කී‍්‍රඩා කණ්ඩායම නියෝජනය කළ හරිගුප්තා රෝහණදීර මහතා ආනන්ද විද්‍යාලීය සහ කොළඹ විශ්වවිද්‍යාලීය කී‍්‍රඩා වර්ණලාභියෙක් වන අතර, රුසියාව, ස්ව්ස්ටර්ලන්තය, කොරියාව, බෙලාරුස් ඇතුළු රටවල් ගණනාවක අපරාධ යුක්තිය හා නීතිය පිළිබද වූ සමුළු සහ වැඩමුළු නියෝජනය කර ඇත. එතුමා දැනට අපරාධ යුක්තිය පිළිබද පාරිභාෂිත වචන ඇතුළත් ශබ්ද කෝෂයක් එළිදැකීම පිළිබද පර්යේෂණයක ද නියැලී සිටියි.

ඔහු පුරාවිද්‍යාව හා ඉතිහාසය පිළිබද විද්වතෙකු වූ ජ්‍යෙෂ්ඨ මහාචාර්ය අභාවප‍්‍රාප්ත මැන්දිස් රෝහණදීර මහතාගේ පුත‍්‍රයෙකි.


Share this Article

Leave a Reply

Your email address will not be published.