අඟහරුවාදා (28) දිනය සඳහා කාලගුණ විද්යා දෙපාර්තමේන්තුව උණුසුම් කාලගුණ තත්ත්වයක් පිළිබඳ උපදේශනයක් නිකුත් කර ඇති අතර, නැගෙනහිර පළාතේ සහ දිස්ත්රික්ක පහක ඇතැම් ප්රදේශවල උෂ්ණත්ව දර්ශකය “අවධානය යොමු කළ යුතු” (Caution) මට්ටමට ළඟා විය හැකි බවට අනතුරු අඟවා තිබේ.
මෙම උපදේශනය නැගෙනහිර පළාතට අමතරව කිලිනොච්චිය, මුලතිව්, වවුනියාව, පොළොන්නරුව සහ මොනරාගල යන දිස්ත්රික්ක සඳහා බලපායි.
මිනිස් සිරුරට දැනෙන උෂ්ණත්වය පිළිබිඹු කරන උෂ්ණත්ව දර්ශකය (Heat Index) දිවා කාලයේදී ඇතැම් ප්රදේශවල අවධානය යොමු කළ යුතු මට්ටමට ඉහළ යා හැකි බව දෙපාර්තමේන්තුව සඳහන් කර ඇත.
පවතින උණුසුම් කාලගුණ තත්ත්වයෙන් ඇති විය හැකි බලපෑම් අවම කර ගැනීම සඳහා අවශ්ය පූර්වාරක්ෂක පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
