කර්මාන්තශාලා පවත්වාගෙන යනවානම් මේවා පිළිපදින්න…

Share this Article

ආයෝජන මණ්ඩලය (Board of Investment) යටතේ ක්‍රියාත්මක කර්මාන්ත ශාලාවල කටයුතු පවත්වාගෙන යාමට අවශ්‍ය නම් සෞඛ්‍ය අමාත්‍යාංශය විසින් සකස් කරන ලද සෞඛ්‍ය මාර්ගෝපදේශ මාලාව අනුගමනය කලයුතුව ඇත.

ආයෝජන මණ්ඩලයේ විධායක අධ්‍යක්ෂ, එම්.කේ.ඩී ලෝරන්ස් මහතා සදහන් කලේ අපනයන ආදායම සදහා ඍජුව බලපාන මෙම කර්මාන්තශාලා වසා දැමීම සිදු කල නොහැකි බවත් සෞඛ්‍යාරක්ෂිතව එම කටයුතු පවත්වාගෙන යාම සඳහා උපදෙස් දී ඇති බවය.

1800කට ආසන්න ව්‍යාපෘති ප්‍රමානයක් මේ වන විට ආයෝජන මණ්ඩලය යටතේ පවතී.2019 වසරේ මෙරට අපනයන ආදායමෙන් 70%ක ප්‍රමාණයක් උපයාගෙන ඇත්තේ ආයෝජන මණ්ඩලයේ ව්‍යාපෘති හරහාය එය ඩොලර් බිලියන 7.9ක් වේ.

මෙවර කොරෝනා රැල්ලේ ගම්පහ දිස්ත්‍රික්කයේ පමනක් වෙලද කලාප 5ක් (කටුනායක, බියගම, මල්වත්ත, වතුපිටිවල සහ මීරිගම) පවතින අතර එහි 80000 අධික සේවක සේවිකාවන් ප්‍රමාණයක් සේවය කරමින් සිටී.

කෙසේවෙතත් කර්මාන්තශාලාවල කටයුතු නවතා දැමීමට නොහැකි පසුබිමක එම කර්මාන්තශාලා තුළ වෛරසය පැතිරයාම වැළැක්වීම සඳහා සෞඛ්‍ය අමාත්‍යාංශය වෙනම මාර්ගෝපදේශ මාලාවක් ලබාදී තිබේ.

එම මාර්ගෝපදේශ මාලාව පහත සදහන් පරිදි වේ

සෞඛ්‍ය අමාත්‍යාංශය ලබාදී ඇති මුඛ ආවරණ පැළඳ  සිටීම, නිරන්තරයෙන් සබන් යොදා දෑත් සේදිම සහ ශාරීරික දුරස්ථභාවය පවත්වාගැනීමට අමතරව තවත් මාර්ගෝපදේශ ගණනාවකට අනුගතවීමට කර්මාන්තශාලාවල සේවක සේවිකාවන්ට උපදෙස් දී තිබේ.

යන්ත්‍ර සූත්‍ර මතුපිට දිනකට අවස්ථා කිහිපයකදී මධ්‍යසාර අන්තර්ගත දියරයකින් පිරිසිදුකර විෂබීජහරණය සිදුකළ යුතුවේ.

දිවා ආහාරය අතරතුරදී ආපනශාලාවල රැඳීසිටීමට අවසර හිමිවන්නේ මීටරයක පරතරයක් පවත්වාගනිමිනි.

එමෙන්ම සැකසහිත රෝග ලක්ෂණ සහිත සේවකයෙක් හමුවූ විගස ඔහු හෝ ඇය වහාම කර්මාන්තශාලා පරිශ්‍රයේම පෞද්ගලික වැසිකිළි පහසුකම් ද ඇති කාමරයක නිරෝධායනයට යොමුකර එම අවස්ථාවේ ම ප්‍රදේශය භාර මහජන සෞඛ්‍ය පරික්ෂකවරයා දැනුවත් කළ යුතු වේ.

සේවයට වාර්තා කරන සියලු සේවකයන්ගේ නිවැරදි තොරතුරු රැගත් ලොග් පොතක් පවත්වාගෙන යා යුතුය

අත්‍යාවශ්‍ය නොඅවන සියලු පුහුනු වැඩසටහන් නොපැවත්විය යුතුය

සියලුම දොරවල් සෑම පැය තුනකට වරක්වත් විෂබීජහරණයට ලක්කල යුතුය. මුඛ ආවරණ ඇතුළු අපද්‍රව්‍ය බැහැර කිරීමේදී සෞඛ්‍යාරක්ෂිත ක්‍රමවේද දැඩිලෙස අනුගමනය කිරීම ද අනිවාර්යයෙන් කළ යුත්තක් වෙයි.

විදෙස්ගතවීමෙන් පසු කර්මාන්තශාලාවට යමෙකුට පැමිණිය හැක්කේ මහජන සෞඛ්‍ය පරීක්ෂකවරයෙක් නිකුත් කරන නිරෝධායන සහතිකයක් ඇතිනම් පමනයි.

කොවිඩ්-19 ආසාදිතයෙක් හඳුනාගතහොත් ආයතනය තුළ ඔහුගේ හෝ ඇයගේ සමීපතමයින් සියලුදෙනා නිරෝධායනයට යොමුකළ යුතු අතර ඔවුන්ගේ PCR පරීක්ෂණවලින් අසාදිතයින් ලෙස හඳුනානොගත්ත ද නිසි දින 14 ක කාලය සම්පූර්ණවීමට පෙර ඔවුන් කිසිවෙක් යළි සේවයට කැඳවා නොගතයුතුය.

කර්මාන්තශාලාව තුළ කොව්ඩ්-19 ආසාදිතයෙක් හඳුනාගත් අවස්ථාවක ආසාදීතයා ඊට පෙර පැය 48 තුළ ගමන්කළ සියලු ස්ථාන විෂබීජහරණය සඳහා වසාදැමිය යුතුවේ.

සේවකයින් කිහිපදෙනෙක්ම කොවිඩ්-19 අසාදිතයින් බවට හඳුනාගැනුණහොත් සම්පූර්ණ ගොඩනැගිල්ලම පැය 48ක කාලයකට වසා තබා විෂබීජහරණය සිදුකළ යුතුය


Share this Article

Leave a Reply

Your email address will not be published.