අර හමුදාවේ ඉන්න කාලේ හමුදාව විහිළු කරලා හිනස්සපු හිටපු හමුදාපතිවරයෙකුත් දැන් ජනාධිපතිවරණයට එනවයි කියලා තියනවා.
ඉතින් මම ඒ වගේ අය ගැන කලිනුත් රූපවාහිනී නාලිකාවලට මම කිව්වා මේ වගේ හමුදාපතිලා පොල්පිත්තකින් කපලා පුටුව උඩ තියන්න පුළුවන් කියලා.
අඩුමගානේ ත්‍රස්තවාදියෙක්ගේ මිනියටවත් වෙඩි තියපු මිනිහෙක් නම් කමක් නෑ, ජනාධිපතිවරණයට එනවා කීවාට.
එහෙම කරපු හමුදාපතිවරු රාශියක් අපිට හිටියා. නමුත් ඔය කියන පුද්ගලයා ත්‍රස්තවාදීන්ගේ මිනියකටවත් වෙඩි තියපු මිනිහෙක් නෙවෙයි. බොරුවෙන්ම කාලය ගත කරපු කෙනෙක්. ඉතින් ඒ වගේ කෙනෙක් ආවැයි කියලා මේ රටේ ජනතාව රැවටෙන්නේ නෑ. රණවිරුවෝ රැවටෙන්නෙත් නෑ.
ජෝක්ස් දාල විහිළු කරලා, ඔබතුමාලා දකින්න ඇති ප්‍රවෘත්ති සාකච්ඡාවලට පහුගිය කාලේ ඔය කියන පුද්ගලයා ආව. ඇවිල්ලා විහිළුවෙන් ඒ කියන්නේ හමුදාපතිවරයෙක් කියන්නේ බොහොම වගකීම් තියෙන, බොහොම සීරියස් මනුස්සයෙක් වෙන්න ඕන. නැතුව පුවත්පත් සාකච්ඡාවලටත් ඇවිත් විහිළු කරන ජෝකර් කෙනෙක් නෙවෙයි, හමුදාපතිවරයෙක් වෙන්න ඕන.
ඒ වගේම මාධ්‍ය ඉස්සරහට ඇවිල්ලා අපිට පොලීසියෙන් කියපු නැති හින්ඳා අපිට මුකුත් කරන්න බැරි වුනා කියලා හිටන් කියන හමුදාපතිවරයෙක් නෙවෙයි අපේ රටට ඕන.
මේ රටේ වැඩියෙන්ම බුද්ධි resources එහෙම නැත්නම් intelligence resources තියන පුද්ගලයා තමයි මේ රටේ හමුදාපතිවරයා. මම දන්නවා කොයි තරම් සම්පත් සම්භාරයක් තියනවද කියලා. කටුවපිටිය ඉඳන් මඩකලපුවට යනකන් බෝම්බ අටක් පුපුරනකන් හමුදාපතිවරයා දන්නේ නැත්නම් මෙච්චර intelligence resources තියාගෙන…
something wrong somewhere.. කොහෙවත් නෙවෙයි වැරැද්ද තියෙන්නේ, පුද්ගලයාගේ. ඉතින් අන්තිමට ඇවිල්ල තේරීම් කාරක සභාව ඉස්සරහට කියනවා,.. දෙවෙනි වතාවට ආපු වෙලාවේ මමත් මේ attack එක ගැන දැන ගත්තේ internet එකෙන් කියලා.
මමත් uniform එකක් ඇඳපු මිනිහෙක්. මට මට ලැජ්ජයි මේ වගේ කතාවක් uniform එකක් ඇඳපු මේ වගේ ජේෂ්ඨ කෙනෙක්ගේ කටින් පිටවෙනවා අහන්න… ඉතින් ඒ අයත් දැන් ජනාධිපතිවරණයට එනවයි කියලා කියනවා. ඉතින් මේ රට විහිළුකාරයන්ට unprofessional මිනිස්සුන්ට තවදුරටත් තෝතැන්නක් වෙන්නේ නෑ. ඒක තමයි මට කියන්න තියෙන්නේ.
මේජර් ජෙනරාල් කමල් ගුණරත්න
