කටාර් ගොඩනැගිල්ලක් කඩා වැටීමෙන් ශ්‍රී ලාංකිකයෙකු මියයයි.
කටාර් අගනුවර වන දෝහා හි බදාදා (22) සිදුවූ ගොඩනැගිල්ල කඩා වැටීමෙන් ශ්‍රී ලාංකිකයෙකු මිය ගොස් ඇති බව වාර්තා වේ.
කටාර්හි අභ්‍යන්තර කටයුතු අමාත්‍යාංශයට අනුව, මෙම ගොඩනැගිල්ල දෝහා හි බින් ඩර්හැම් අසල්වැසි ප්‍රදේශයේ තට්ටු හතරක ව්‍යුහයකි.
ගලවාගැනීම්කරුවන් විසින් දිවි ගලවා ගත් පුද්ගලයින් නව දෙනෙකු සොයා ගත් අතර, මියගිය එක් පුද්ගලයෙකු කඩා වැටෙන අවස්ථාවේ ගොඩනැගිල්ල තුළ සිට ඇති බව එහි සඳහන් වේ.
මියගිය ශ්‍රී ලාංකිකයා 56 හැවිරිදි පුද්ගලයෙකු වන අතර ඔහුගේ පුත්‍රයා විසින් හඳුනාගෙන ඇත.
තවත් 60 හැවිරිදි පුද්ගලයෙකු අතුරුදන්ව ඇති අතර කටාර්හි සේවය කරන ඔහුගේ පුත්‍රයා විසින් කටාර්හි ශ්‍රී ලංකා තානාපති කාර්යාලයට මේ සම්බන්ධයෙන් දන්වා තිබේ.
සිද්ධිය සම්බන්ධයෙන් කටාර්හි ශ්‍රී ලංකා තානාපති කාර්යාලය සහ විදේශ සේවා නියුක්ති කාර්යාලය වැඩිදුර පරීක්ෂණ පවත්වයි.
