ඇමතිවරු සමාජ ප්‍රාග්ධනය ගොඩගසා ගනිමින් ජනතාව ආර්ථික බරින් මිරිකනවා: නාමල්
ජනතාව දරාගත නොහැකි ආර්ථික බරකින් බැටකද්දී ආණ්ඩුවේ ඇමතිවරුන් සමාජ ප්‍රාග්ධනය ගොඩගසා ගනිමින් සිටින බව ශ්‍රී ලංකා පොදුජන පෙරමුණේ (SLPP) පාර්ලිමේන්තු මන්ත්‍රී නාමල් රාජපක්ෂ මහතා චෝදනා කළේය.
ජනතාව විශාල බදු බරකට මුහුණ දී සිටින බවත් දරාගත නොහැකි ආර්ථික පීඩනයකට මුහුණ දී සිටින බවත් ඔහු පාර්ලිමේන්තුවේදී ප්‍රකාශ කළේය.
මන්ත්‍රීවරයා කියා සිටියේ ඉන්ධන මිල වැඩි කළද රජයේ සේවකයන්ගේ ඉන්ධන දීමනාව වැඩි කර නොමැති බවයි.
මාර්තු මස දීමනාවට සමාන ඉන්ධන දීමනාව තවමත් ඔවුන්ට ලැබෙනවා.රජයේ සේවකයන්ට මාස හයකට වරක් වැටුප් වැඩි කරන බවට රජය පොරොන්දු වුණා. ජීවන වියදම දැන් සියයට 300කින් ඉහළ ගිහින්.රජය වැටුප් වැඩිකරන්න යනවාද?පෞද්ගලික අංශයේ සේවකයන්ට දීමනාවක් ලබාදීමට රජය මැදිහත් වෙනවාද?
