ආගමික සිද්ධස්ථාන මැතිවරණ ප්‍රචාරක කටයුතු සඳහා යොදාගැනීම වැළැක්වීමේ අවශ්‍යතාව පිළිබඳව සියළුම ආගමික නායකයින් දැනුවත් කිරීමට මැතිවරණ කොමිශන් සභාව තීරණය කර තිබේ.
ඒ අනුව මැතිවරණ කොමිසමේ සභාපති මහින්ද දේශප්‍රිය මහතා ඇතුළු එහි නියෝජිතයින් පිරිසක් අද (03) පෙරවරුවේ මල්වතු, අස්ගිරි මහනාහිමිවරුන් බැහැදැක ඒ පිළිබඳව උන්වහන්සේ දැනුවත් කිරීමට පියවර ගනු ලැබුවේය.
එමෙන්ම ඉදිරියේදී දිස්ත්‍රික් ලේකම් වරුන් හරහා සියලුම ආගමික ස්ථාන භාර ආගමික නායකයින් මේ පිළිඹද දැනුවත් කිරීම සිදු කරන බවටත් ඔහු වැඩිදුරටත් පැවසීය.
