LK reports news sinhala

අනුර කුමාර සෞඛ්‍ය ප්‍රතිපත්තිය එළිදක්වයි – ක්ෂේත්‍ර 8කින් ප්‍රතිපත්ති ප්‍රකාශ 8ක්

වර්තමාන දේශපාලන වේදිකාවේ ඇත්තේ ජනතාවගේ සැබෑ ගැටලු සාකච්ඡා කරන ක්‍රමවේදයක් නොව දේශපාලනය විසින් නිර්මාණය කරන ලද ගැටලු පමණක් සාකච්ඡා කරන ක්‍රමවේදයක් බව ජාතික ජන බලවේගයේ ජනාධිපතිධුර අපේක්ෂක අනුර කුමාර දිසානායක මහතා පවසයි.

ජාතික ජන බලවේගයේ සෞඛ්‍ය ප්‍රතිපත්තිය එළිදැක්වීමේ අවස්ථාවට අද(15) පෙරවරුවේ එක් වෙමින් ඔහු මේ බව සඳහන් කළේය. ඉදිරි ජනාධිපතිවරණය සඳහා ජාතික ජන බලවේගයේ සෞඛ්‍ය ප්‍රතිපත්තිය එළිදැක්වීම ජනාධිපතිධුර අපේක්ෂක අනුර කුමාර දිසානායක මහතාගේ ප්‍රධානත්වයෙන් අද පෙරවරුවේ කොළඹ පදනම් ආයතනයේදී සිදුකෙරුණි.

මෙහිදී අදහස් දැක්වු අනුර කුමාර දිසානායක මහතා පවසා සිටියේ, අපේ ජාතිය සුවපත් කිරීම සඳහා අවශ්‍ය වන සෞඛ්‍ය වැඩපිළිවෙල හා ප්‍රතිපත්තිය ඉදිරිපත් කර ඇති බවයි.

අද අපේ රටේ දේශපාලන සංවාද ඇත්තේ “තොණ්ඩමන් සහය දුන්නේ කාටද?“ වැනි කාරණා මත බවද කියා සිටියේය. ජනතාවට එවැනි දේ වැදගත් නොවන බවත් පැවසු අනුර කුමාර මහතා, එවන් දේ ජනතා ප්‍රශ්න නොවන බවත් පැවසීය. අභියෝගය වන්නේ ජනතාවගේ ජන ජිවිතය සමඟ සම්බන්ධ වන්නේ කෙසේ ද යන්න පිළිබඳ කථා කිරීම බවද ඔහු සඳහන් කළේය.

එනිසාම විවිධ විෂය ක්ෂේත්‍ර 8ක ප්‍රතිපත්ති ප්‍රකාශන වෙන වෙනම එළිදැක්වීමට කටයුතු කරන බවද දිසානායක මහතා වැඩිදුරටත් පැවසීය.

 

Leave a Reply

Your email address will not be published.