පාර්ලිමේන්තු මන්ත්රී ආර්ච්චුනා රාමනාදන් මහතාගේ මන්ත්රී ධුරය අහෝසි කරන ලෙස ඉල්ලා ගොනු කර ඇති පෙත්සම අද අභියාචනාධිකරණය හමුවේ කැඳවූ අවස්ථාවේදී, එම නඩු කටයුත්ත ශ්රේෂ්ඨාධිකරණය වෙත යොමු කරන ලෙස මන්ත්රීවරයා වෙනුවෙන් පෙනී සිටි නීතිඥවරයා ඉල්ලා තිබේ.
පෙත්සම විභාගයට ගත් අවස්ථාවේදී රාමනාදන් මහතා වෙනුවෙන් පෙනී සිටි නීතිඥ සෙනානි දයාරත්න මහතා මෙම ඉල්ලීම ඉදිරිපත් කළේය.
අදාළ ඉල්ලීම සම්බන්ධයෙන් සුදුසු අවස්ථාවක නියෝගයක් නිකුත් කරන බව අභියාචනාධිකරණය දැනුම් දී තිබේ.
රාමනාදන් මහතාට පාර්ලිමේන්තු මන්ත්රීවරයෙකු ලෙස තවදුරටත් කටයුතු කිරීමට නීත්යානුකූල සුදුසුකම් තිබේද යන්න අභියෝග කරමින් මෙම පෙත්සම ගොනු කර ඇති අතර, ඔහුගේ මන්ත්රී ධුරය දැරීමේ අයිතිය සම්බන්ධයෙන් පවතින නීතිමය ක්රියාමාර්ගවල කොටසක් ලෙස මෙම නඩුව ඉදිරියට ගෙන යනු ලබයි.
